တောင်ကိုရီးယား သမ္မတကို ဖမ်းဝရမ်းထုတ်လိုက်ပြီ

ဒီဇင်ဘာ - ၃၁ ( အင်္ဂါနေ့ ) 

စွပ်စွဲပြစ်တင်ခံရတဲ့ တောင်ကိုရီးယား သမ္မတယွန်ဆက်ယိုကို ဖမ်းဆီးရန် တရားဥပဒေစိုးမိုးရေး အာဏာပိုင်များရဲ့ တောင်းဆိုချက်ကို ဆိုးလ်မြို့တရားရုံးတစ်ရုံးက အတည်ပြုခဲ့ကြောင်း ယွန်နက်သတင်းဌာန က ဖော်ပြလိုက်ပါတယ်။ ဒါဟာ တောင်ကိုရီးယားနိုင်ငံ့သမိုင်းမှာ ပထမဆုံးအကြိမ် ဖမ်းဝရမ်းထုတ်ပြီး အဖမ်းခံရတဲ့ ခေါင်းဆောင်တစ်ဦး ဖြစ်ပါတယ်။

တောင်ကိုရီးယားနိုင်ငံ ဆိုးလ်အနောက်ခရိုင်တရားရုံးက ယွန်ကို ဒီဇင်ဘာ ၃ ရက်နေ့က စစ်အုပ်ချုပ်ရေး ကြေညာမှု၊ နိုင်ငံ့အာဏါထိန်းကျောင်းမှု၊ သောင်းကျန်းမှုကို ကြိုးကိုင်မှု၊ အာဏာအလွဲသုံးစားလုပ်မှုတို့ဖြင့် အင်္ဂါနေ့က ဖမ်းဝရမ်းထုတ်ခဲ့ပါတယ်။ ယွန်သည် သက်တမ်းတို စစ်အုပ်ချုပ်ရေးဥပဒေနှင့် ပတ်သက်၍ မေးမြန်းရန် ဆင့်ခေါ်စာ ၃ စောင်ကို လျစ်လျူရှုပြီးနောက် အကျင့်ပျက်ခြစားမှု စုံစမ်းစစ်ဆေးရေး အရာရှိများရုံး (CIO) မှ ဖမ်းဝရမ်း တင်သွင်းခဲ့တာပဲဖြစ်ပါတယ်။

တရားရုံးက ယွန်အား စစ်ဆေးမေးမြန်းရန်အတွက် ၄၈ နာရီကြာ ချုပ်နှောင်ဖို့အတွက် CIO ကို ဆုံးဖြတ်ချက် ချပေးလိုက်ပါတယ်။ ဖမ်းဝရမ်းပယ်ဖျက်ခြင်းနဲ့ ပတ်သက်ပြီးတော့ သိပ်ပြီး သေချာရေရာမှုတွေတော့ မရှိပါဘူး။ သမ္မတလုံခြုံရေးဝန်ဆောင်မှုက လုံခြုံရေးဆိုင်ရာ စိုးရိမ်မှုများကြောင့် သမ္မတရုံးဝင်းနှင့် ယွန်၏တရားဝင်နေအိမ်သို့ စုံစမ်းစစ်ဆေးသူများလာရောက်ခြင်းကို ယခင်က ပိတ်ဆို့ထားခဲ့ပါတယ်။

ရာဇဝတ်မှုဆိုင်ရာ တရားစွဲဆိုခြင်းမှ သမ္မတက လွတ်ငြိမ်းချမ်းသာခွင့်ရှိသော်လည်း ဤအခွင့်အရေးသည် သူပုန်ထခြင်း သို့မဟုတ် နိုင်ငံတော်သစ္စာဖောက်မှု စွဲချက်များအတွက် မရပါဘူး။ သမ္မတယွန်ရဲ့ လုံခြုံရေးအဖွဲ့က  CIO အနေနဲ့ သူပုန်ထမှုကို စုံစမ်းစစ်ဆေးရန် ဥပဒေအရ အခွင့်အာဏာမရှိဘူးလို့  စောဒကတက်ထားပါတယ်။ ဒါပေမဲ့ CIO အကြီးအကဲ အိုဒေါင်ဝန်းက တရားရုံးမှ ထုတ်ပြန်ထားတဲ့ ဖမ်းဝရမ်းကို သမ္မတကပင် ဥပဒေအရ အဟန့်အတား မပြုနိုင်ဘူးလို့ ဆိုပါတယ်။ 

ဒီဇင်ဘာ ၃ ရက်တွင် စစ်အုပ်ချုပ်ရေး အကျဉ်းချုပ် ကြေငြာချက်သည် နိုင်ငံကို တုန်လှုပ်သွားစေပြီး အထူးသဖြင့် အမေရိကန်ကဲ့သို့ မဟာမိတ်များကြားနဲ့ နိုင်ငံတကာက ထိတ်လန့်စေခဲ့ပါတယ်။ ရိုင်ဖယ်သေနတ်များ၊ ကိုယ်ထည်ချပ်ဝတ်တန်ဆာများနှင့် မျက်နှာဖုံးစွပ်တပ်ဖွဲ့ဝင်များသည် မီးသတ်ဆေးဘူးများဖြင့် ဆန့်ကျင်သည့် ဝန်ထမ်းများကို ဖမ်းဆီးဖို့  ပါလီမန်အတွင်းသို့ ဝင်ရောက်ခဲ့ပါတယ်။

စစ်အုပ်ချုပ်ရေးဥပဒေက ပါလီမန်မဲခွဲမှုဖြင့် မပယ်ဖျက်မီ ခြောက်နာရီသာကြာမြင့်ခဲ့ပါတယ်။ ယွန်းအား အမျိုးသား လွှတ်တော်က ဒီဇင်ဘာ ၁၄ ရက်တွင် စွပ်စွဲပြစ်တင်ရန် မဲခွဲဆုံးဖြတ်ပြီးနောက် ၎င်း၏တာဝန်များမှ ရပ်ဆိုင်းခဲ့ပါတယ်။ ယွန်အား ရာထူးမှဖယ်ရှားခြင်း သို့မဟုတ် ပြန်လည်နေရာချထားခြင်း ရှိ၊ မရှိ ဆုံးဖြတ်ရန် ဖွဲ့စည်းပုံ အခြေခံဥပဒေဆိုင်ရာ တရားရုံးက တရားစွဲတင်သည့်နေ့မှ ရက်ပေါင်း ၁၈၀ အတွင်းပြုလုပ်မှာ ဖြစ်ပါတယ်။

Ref - RT

Join - https://t.me/MyanmarNationalPost