နေတန်ယာဟုရဲ့ဇနီး သက်သေတွေကိုနှုတ်ပိတ်ဖို့ ကြိုးစားလို့ စုံစမ်းစစ်ဆေးခံနေရ

ဒီဇင်ဘာ -၂၇ ( သောကြာနေ့ ) 

အစ္စရေးဝန်ကြီးချုပ် နေတန်ယာဟုကို အကျင့်ပျက်ခြစားမှုဆိုင်ရာ တရားစွဲဆိုမှုလုပ်ထားရာ တရားခွင်မှာ သက်သေများကို နှုတ်ဆိတ်နေဖို့အတွက် ဇနီးဖြစ်သူက ဖိအားပေးထားရာ အဲ့ဒိကိစ္စကို အစ္စရေးအာဏာပိုင်တွေက စုံစမ်းစစ်ဆေးမှုတွေ လုပ်နေပါတယ်။ 

ရှေ့နေချုပ် ဂါလီဘာဟာရေ့ဗ်မီယာရာ  "Uvda ရှိုးရဲ့တွေ့ရှိချက်များနှင့်ပတ်သက်ပြီး သက်သေများကို နှောင့်ယှက်မှုနှင့် တရားမျှတမှုကို အဟန့်အတားဖြစ်စေတယ်ဆိုတဲ့ သံသယနဲ့ စုံစမ်းစစ်ဆေးမှုတစ်ခု ပြုလုပ်သင့်တယ်။ တရားဥပဒေစိုးမိုးရေးသည် လူတိုင်းနှင့်သက်ဆိုင်တယ်။ တရားစီရင်ရေး လုပ်ငန်းစဉ်ကို ဝင်ရောက်စွက်ဖက်ဖို့ ကြိုးပမ်းမှုမှန်သမျှကို စေ့စေ့စပ်စပ် စုံစမ်းစစ်ဆေးသွားမှာ ဖြစ်ပါတယ်” လို့ ဆိုပါတယ်။ 

ချန်နယ်၁၂ သတင်းဌာနက နိုင်ငံရေး အတိုက်အခံများကို ဆန့်ကျင်သည့် ဆန္ဒပြပွဲများ စုစည်းရန် နှင့် အဓိက သက်သေတစ်ဦးအား ခြိမ်းခြောက်ရန် ဆာရာနေတန်ယာဟုက လက်ထောက်ဟောင်းတစ်ဦးအား ညွှန်ကြားခဲ့သည်ဟု ပြောကြားသည့် WhatsApp မက်ဆေ့ချ်များကို ပြသခဲ့ကြောင်း AP သတင်းတွင် ဖော်ပြထားပါတယ်။

ဝန်ကြီးချုပ်ကို လာဘ်ပေးလာဘ်ယူမှု၊ လိမ်လည်မှုနှင့် သြဇာလွှမ်းမိုးမှုဆိုင်ရာ ရောင်းဝယ်ဖောက်ကားမှုနှင့် မသင့်လျော်သော လက်ဆောင်များကို လက်ခံခြင်းတို့ပါဝင်သည့် ယုံကြည်မှုကို ဖောက်ဖျက်ခြင်းဆိုင်ရာ စွဲချက်များနှင့် ၂၀၂၀ ခုနှစ်တွင် စတင်စစ်ဆေးခဲ့ပါတယ်။ နေတန်ယာဟုက အဆိုပါစွပ်စွဲချက်များကို ငြင်းဆိုထားပြီး ၎င်းတို့ကို နိုင်ငံရေးအရ လှုံ့ဆော်သည့် မဲဆွယ်စည်းရုံးမှု၏ တစ်စိတ်တစ်ပိုင်းအဖြစ် ဆိုထားပါတယ်။ 

ဝန်ကြီးချုပ်သည် ၎င်း၏ လီကွတ်ပါတီအစည်းအဝေးတွင် ၎င်း၏ဇနီးအား ကာကွယ်ပြောဆိုသည့်အနေဖြင့် “ဒီစွပ်စွဲချက်တွေဟာ ကျွန်တော့်မိသားစုကို အခြေအမြစ်မရှိတဲ့ နောက်ထပ်တိုက်ခိုက်မှုတစ်ခုပါပဲ” လို့ ကြာသပတေးနေ့က ဆိုပါတယ်။  

ဆာရာနေတန်ယာဟု သည် ယခင်က တရားရေးဆိုင်ရာ ပြဿနာများနှင့် ရင်ဆိုင်ခဲ့ရဖူးပါတယ်။ သူမက ၂၀၁၉ ပုဂ္ဂလိက စားနပ်ရိက္ခာကုန်ကျစရိတ်များကို ကာမိစေရန် ပြည်သူ့ဘဏ္ဍာငွေများကို အလွဲသုံးစား လုပ်ကြောင်း ဝန်ခံအသနားခံစာ ရေးတင်ထားတာရှိပါတယ်။ ရန်ပုံငွေနှင့် ဒဏ်ကြေးငွေများ ထပ်မံပေးဆောင်ရန် အမိန့်ချခံခဲ့ရပါတယ်။

REF - RT

Join - https://t.me/MyanmarNationalPost