အုတ်တွင်း၊ ဒီဇင်ဘာ ၁၃
ပဲခူးတိုင်းဒေသကြီး၊ အုတ်တွင်းမြို့၊ သာသနဝေပုလ္လကျောင်းတိုက်အကွေ့တွင် ဆွမ်းချိုင့်ယူပြီး ပြန်လာသည့် ဦးဇင်းနှစ်ပါး၏ မော်တော်ဆိုင်ကယ်နှင့် တွဲကားချိတ်မိရာမှ ဆရာတော်တစ်ပါးပျံလွန်တော်မူပြီး တစ်ပါးပြင်းထန်ဒဏ်ရာရရှိကြောင်း သိရသည်။
ယနေ့ဒီဇင်ဘာလ ၁၃ ရက် နံနက် ၁၁ နာရီ ၂၀ အချိန်တွင် အုတ်တွင်းမြို့မှ ဆွမ်းချိုင့်ယူပြီး မော်တော်ဆိုင်ကယ်ဖြင့် ဦးဇဋိလမောင်းနှင်ပြီး ဦးဇဝန လိုက်ပါလာသည့် ဆိုင်ကယ်မှာ အုတ်တွင်းမြို့ မြောက်ဘက်အထွက် သာသနဝေပုလ္လကျောင်းတိုက်ရှေ့တွင် ထိုကျောင်းဘက်သို့ အကွေ့တွင် တွဲကားနှင့်ချိတ်မိရာမှ ဆိုင်ကယ်မောင်းသည့် ဦးဇဋိလမှာ အခင်းနေရာတွင် ပျံလွန်တော်မူပြီး၊ ဆိုင်ကယ်နောက်မှ လိုက်ပါလာသည့် ဦးဇဝနမှာ ဒဏ်ရာအပြင်းအထန်ရရှိကြောင်း သိရသည်။
“တစ်ပါးက အခင်းနေရာမှာ ပျံလွန်တော်မူသွားတယ်။ တစ်ပါးကတော့ သတိရတစ်ချက် မရတစ်ချက်ဖြစ်တယ်။ အဲ့တစ်ပါးကိုတော့ နေပြည်တော်ဆေးရုံကို ပို့ဆောင်လိုက်တယ်။ တွဲကားမောင်းတဲ့သူကတော့ ထွက်ပြေး သွားတယ်” လို့ ရင်ခုန်သံရှင်ရေးကူညီမှုအသင်းမှ ဆရာတော် ဦးတေဇသီရိမှ မိန့်သည်။
ယာဉ်တိုက်မှုကြောင့် ပျံလွန်တော်မူသွားသည့် သာသနာ့ဝေပုလ္လ(သုသာန်)ကျောင်းမှ သက်တော်(၄၈) သိက္ခါ(၃)ဝါရှိသည့် ဦးဇဋိလ၏ ရုပ်အလောင်းကို ရင်ခုန်သံရှင်ရေးကူညီမှုအသင်းယာဉ်ဖြင့် အုတ်တွင်းဆေးရုံသို့ ပို့ဆောင်လိုက်ကြောင်း၊ ဦးဇဝနကို TERT အသင်းမှ နေပြည်တော်ကုတင် ၁၀၀၀ ဆေးရုံသို့ ပို့ဆောင်လိုက်ကြောင်း သိရသည်။
Photo Credit -
Join - https://t.me/MyanmarNationalPost
No comments:
Post a Comment