ကျိုက်မရော ,ဒီဇင်ဘာ ၆
ကျိုက်မရောမြို့နယ် စီမံအုပ်ချုပ်ရးအဖွဲ့၏ ဦးဆောင်မှုဖြင့် မြို့နယ်စားသုံးသူရေးရာဦးစီးဌာနနှင့် ဌာနဆိုင်ရာ တာဝန်ရှိသူများ ပူးပေါင်း၍ မြို့နယ်အတွင်း ဆန်နှင့် အခြားစားသောက်ကုန်ပစ္စည်းများအား စျေးနှုန်းမြှင့်တင်ရောင်းချခြင်း ရှိ/မရှိကို ဒီဇင်ဘာ(၄)ရက်နေ့ နေ့လယ်ပိုင်းက ပိန်းနဲကုန်းစျေးကြီး၌ ကွင်းဆင်းခဲ့ကြောင်း သိရသည်။
အဆိုပါ ကုန်စျေးနှုန်းတည်ငြိမ်မှုရှိစေရန်အတွက် ကုန်စုံဆိုင်များ၌ ကွင်းဆင်းစစ်ဆေးခြင်းကို စားသုံးသူရေးရာဦးစီးဌာနမှ တာဝန်ခံ ဦးစိုးညီညီ၊ အထွေထွေအုပ်ချုပ်ရေးဦးစီးဌာနမှ တာဝန်ရှိသူများ၊ စည်ပင်သာယာရေးအဖွဲ့မှ တာဝန်ရှိသူများက ကုန်စုံဆိုင်၊ ဆန်ဆိုင်များသို့ သွားရောက်၍ ဆန်စျေးနှုန်း၊ စားအုန်းဆီစျေးနှူန်းများအား သတ်မှတ်ထားသည့် ရည်ညွှန်းစျေးထက် ပိုမိုရောင်းချခြင်း၊ တရားမဝင်သိုလှောင်ထားခြင်း ရှိ/မရှိတို့ကို ကွင်းဆင်းကြည့်ရှုစစ်ဆေးခဲ့ကြောင်း သိရသည်။
ချိုမြတ်မြတ်ထွေး
https://t.me/MyanmarNationalPost
No comments:
Post a Comment