မြင်းခြံ၊ ဇန်နဝါရီ ၉
မြင်းခြံမြို့ အ.ထ.က(၁)၌ ၂၀၂၄-၂၀၂၅ ပညာသင်နှစ် ပညာရေးစုံညီပွဲတော် အခမ်းအနားကို ယမန်နေ့ နံနက် ၉ နာရီအချိန်က အ.ထ.က (၁) ဧရာဝတီခန်းမ၌ ကျင်းပကြောင်း သိရသည်။
အခမ်းအနားတွင် ရှေးဦးစွာ ကျောင်းသူ၊ ကျောင်းသားများက “ကြိုဆိုပါသည်စုံညီပွဲတော်” သီချင်းဖြင့် သီဆိုဖျော်ဖြေပြီး အခမ်းအနားကို ဖွင့်လှစ်သည်။ ထို့နောက် မြို့နယ်ပညာရေးမှူး ဒေါ်နီနီဝင်းက အဖွင့်အမှာစကား ပြောကြားခဲ့သည်။ ဆက်လက်၍ ၂၀၂၄-၂၀၂၅ ပညာသင်နှစ် အတွင်း ပြိုင်ပွဲများ၌ ပထမဆု၊ ဒုတိယ၊ တတိယဆု ရရှိခဲ့ကြသော ကျောင်းသူ၊ ကျောင်းသားများအား ဂုဏ်ပြုဆုများကို မြို့နယ်ပညာရေးမှူး ဒေါ်နီနီဝင်း၊ ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန လက်ထောက်ညွှန်ကြားရေးမှူး ဒေါ်အေးအေးနွဲ့နှင့် တာဝန်ရှိသူများက ပေးအပ်ချီးမြှင့်ခဲ့ကြောင်း သိရသည်။
ဆုချီးမြှင့်ပွဲအပြီးတွင် ကျောင်းသား၊ကျောင်းသူများက “နောင်အင်းလေး”၊ “လွှတ်တော်ရုန်းတော်”၊ “တောင်ယာဝင်ချိန်”၊ “စုံညီပွဲတော်တို့နွှဲပျော်” သီချင်းဖြင့် အသီးသီးဧည့်ခံဖျော်ဖြေခဲ့ကြကြောင်း သိရသည်။
ကျော်စွာ(မြင်းခြံ)
Join - https://t.me/MyanmarNationalPost
No comments:
Post a Comment