အမေရိကန်က မြောက်ကိုရီးယား ၊ အီရန်တို့ထက် ပိုခြိမ်းခြောက်နေတယ်လို့ ဒိန်းမတ်သားတွေက ဆို

ဖေဖော်ဝါရီ - ၁ ( စနေနေ့ ) 

You Gov သုတေသန စစ်တမ်းကောက်ယူရေး အဖွဲ့က ဒိန်းမတ်နိုင်ငံသားတွေကို အမေရိကန်က ဒိန်းမတ်နိုင်ငံရဲ့ အစိတ်အပိုင်း တစ်ခုဖြစ်တဲ့ ဂရင်းလန်ကျွန်းကို ဝယ်ယူဖို့ကိစ္စနဲ့ပတ်သက်ပြီး စစ်တမ်းကောက်ယူရာမှာ တစ်ဝက်ကျော်ကျော်က အမေရိကန်ရဲ့ ခြိမ်းခြောက်မှုက သူတို့တိုင်းပြည်အတွက် မြောက်ကိုရီးယား၊ အီရန်တို့ထက် အများကြီး ပိုနေတယ်လို့ တုန့်ပြန်ကြပါတယ်။ 

သောကြာနေ့ထွက် ဂါဒီးယန်း သတင်းစာပါ YouGov စစ်တမ်းရလဒ်က ဒိန်းမတ်နိုင်ငံ၏ ကိုယ်ပိုင်အုပ်ချုပ်ခွင့်ရ နယ်မြေဖြစ်သည့် ဂရင်းလန်ကျွန်းကို အမေရိကန်၏အစိတ်အပိုင်းတစ်ခု ဖြစ်လာနိုင်ရန် ထူထောင်လိုသည့် အမေရိကန်သမ္မတ ဒေါ်နယ်ထရမ့် ၏အဆိုပြုချက်နှင့်ပတ်သက်ပြီး ကိုပင်ဟေဂင်နှင့် ဝါရှင်တန်ကြားတွင် တင်းမာမှုများ တိုးလာနေချိန်တွင် ဆောင်ရွက်ခဲ့ခြင်းဖြစ်ပါတယ်။ 

စစ်တမ်းကောက်ယူမှုအရ ဒိန်းမတ်လူမျိုး ၄၆ ရာခိုင်နှုန်းက အမေရိကန်ကို “အလွန်ကြီးကျယ်သော ခြိမ်းခြောက်မှု” သို့မဟုတ် “တရားမျှတမှုမရှိသောသော ခြိမ်းခြောက်မှုကြီး” လို့ ထင်မြင်နေပါတယ်။  

ဒိန်းမတ်သားတွေက  သူတို့နိုင်ငံအပေါ် မြောက်ကိုရီးယား သို့မဟုတ် အီရန်တို့ရဲ့  ခြိမ်းခြောက်မှု နဲ့ပတ်သက်ပြီး ၄၄ % နဲ့ ၄၀ % မှတ်ချက်ပေးပါတယ်။ ရုရှားသည် ဒိန်းမတ်လူထု၏ အကြောက်တရားစာရင်းတွင် ထိပ်ဆုံးမှ ဆက်လက်ရပ်တည်နေပြီး စစ်တမ်းကောက်ယူသူ ၈၆ ရာခိုင်နှုန်းက ၎င်းတို့နိုင်ငံအတွက် အန္တရာယ် ရှိတယ်လို့ မှတ်ချက်ပေးပါတယ်။ 

အလားတူ စစ်တမ်း၏ တစ်စိတ်တစ်ပိုင်းအနေဖြင့် ဖြေဆိုသူ ၇၈% က ဂရင်းလန်ကျွန်းကို အမေရိကသို့ ရောင်းချခြင်းကို ဆန့်ကျင်မည်ဟု ပြောကြားခဲ့ပြီး ၇၂ % က အမေရိကန်ပြည်ထောင်စုအတွင်း သို့ ဝင်ရောက်ခြင်း ဆိုင်ရာ ဆုံးဖြတ်ချက်ကို ဒိန်းမတ်ထက် ကျွန်းတွင် နေထိုင်သူ ၅၇၀၀၀ က ပြုလုပ်သင့်တယ်လို့ အခိုင်အမာ  ဆိုပါတယ်။ 

ယခုသီတင်းပတ်အစောပိုင်းတွင် ဒိန်းမတ်ဌာန ဗာရီယန်မှ ပြုလုပ်သော နောက်ထပ်စစ်တမ်းတစ်ခုအရ ဂရင်းလန်းနိုင်ငံသားများ၏ ၆% သည် အမေရိကန်လူမျိုးများဖြစ်လိုကြောင်း သိရပါတယ်။ ကျွန်းပေါ်ရှိ လူ ၅၇ ရာခိုင်နှုန်းသည် အမေရိကန်သို့ ဝင်ရောက်ရန် ထောက်ခံထားတယ်လို့ ဆိုထားတဲ့အတွက်ကြောင့် Patriot Polling ၏ အစောပိုင်းလေ့လာမှုရလဒ်များနှင့် ဆန့်ကျင်ဘက်နေကြောင်းတွေ့ရပါတယ်။  အမေရိကန် နိုင်ငံခြားရေးဝန်ကြီး မာကိုရူဘီယို က ကြာသပတေးနေ့ အင်တာဗျူးတွင် ထရမ့်ရဲ့ ဆန္ဒက မဟာဗျူဟာမြောက် စီမံကိန်း တစ်ခုဖြစ်တဲ့ အတွက်ကြောင့် တကယ်လုပ်ဖြစ်ဖို့များတယ် လို့ပါဆိုပါတယ်။ 

REF - RT

#MNP #News #American #GreenLand

Join - https://t.me/MyanmarNationalPost