ရန်ကုန်၊ မတ် ၁၅
ရန်ကုန်တိုင်းဒေသကြီး ပြည်သူ့ကျန်းမာရေးနှင့်ကုသရေးဦးစီးဌာန နှင့် ရန်ကုန်တိုင်းဒေသကြီး မိခင်နှင့်ကလေး စောင့်ရှောက်မှုကြီးကြပ်ရေးအဖွဲ့တို့ ပူးပေါင်းဆောင်ရွက်သည့် "မရှိ၍မလင်းသူ မရှိစေရ" အစီအစဉ်ဖြင့် ရန်ကုန်တိုင်းဒေသကြီးအတွင်းရှိ မျက်စိဝေဒနာခံစားနေရသူများအား ကွင်းဆင်းရှာဖွေဖော်ထုတ်၍ ကုသမှုပေးခဲ့ရာ (၅-၃-၂၀၂၅)ရက်အထိ မျက်စိစမ်းသပ်စစ်ဆေးမှုပေးခဲ့သူ စုစုပေါင်း (၄၉၉၁)ဦး၊ မျက်မှန် အခမဲ့တပ်ဆင်ပေးခဲ့သူ (၁၈၈၆) ဦးနှင့် လှိုင်သာယာပြည်သူ့ဆေးရုံကြီး၊ ရန်ကုန်တက္ကသိုလ်ဆေးရုံကြီး ၊ ဗဟန်းအမျိုးသမီးဆေးရုံကြီးနှင့် ရန်ကုန် အရှေ့ပိုင်းဆေးရုံကြီးတို့တွင် မျက်စိခွဲစိတ်ကုသမှုပေးခဲ့သူ လူနာစုစုပေါင်း (၇၃၆) ဦး တို့အား ရှာဖွေဖော်ထုတ် ကုသမှုပေးနိုင်ခဲ့ကြောင်း သိရသည်။
အဆိုပါ "မရှိ၍မလင်းသူ မရှိစေရ" အစီအစဉ်သည် ရန်ကုန်တိုင်းဒေသကြီးဝန်ကြီးချုပ် ဦးစိုးသိန်း တာဝန်ယူပြီး နောက်ပိုင်း ဆောင်ရွက်သည့် အစီအစဉ်ဖြစ်သည်။
https://t.me/MyanmarNationalPost
No comments:
Post a Comment