ချောက်မြို့နယ်တွင် နှစ်ဆန်း(၁)ရက်​နေ့၌သက်ကြီးဘိုးဘွားပူ​ဇော်ကန်တော့ခြင်း၊ အန္တရာယ်ကင်းပရိတ်ရွတ်ဖတ်ခြင်းတို့ဖြင့် ကုသိုလ်ယူလျက်ရှိ

ချောက်  ၊  ဧပြီ ၁၉

မ​ကွေးတိုင်းဒေသကြီး၊ ချောက်ခရိုင်၊​ ချောက်ခရိုင်စုပေါင်းရုံး၌  မြန်မာ့နှစ်သစ်ကူး နှစ် ၁၃၈၇ ခုနှစ် သစ်ကူးနှစ်ဆန်း(၁)ရက်နေ့တွင် ဧပြီ ၁၇ ရက်နေ့ နံနက်(၉) နာရီ အချိန်က ချောက်မြို့နယ်တွင် သက်ကြီးဘိုးဘွားပူ​ဇော်ကန်တော့ခြင်းနှင့် အန္တရာယ်ကင်းပရိတ်ရွတ်ဖတ်ခြင်းတို့ ဆောင်ရွက်ခဲ့ကြောင်း သိရသည်။

မြန်မာတို့၏နှစ်ဟောင်းကုန်၍ နှစ်သစ်ကူးပြောင်းသောကာလဖြစ်သည်နှင့်အညီ နှစ်ဆန်း(၁)ရက်​နေ့၌ ခရိုင်စီမံအုပ်ချုပ်​ရေးအဖွဲ့ဥက္ကဋ္ဌ ဦးမိုးဇော်နိုင်နှင့်အဖွဲ့ဝင်များ၊ မြို့နယ်စီမံအုပ်ချုပ်​ရေးအဖွဲ့ဥက္ကဋ္ဌ ဦးစိုးလွင်နှင့်အဖွဲ့ဝင်များ၊ ခရိုင်/မြို့နယ်ဌာနဆိုင်ရာတာဝန်ရှိသူများ၊ အမျိုးသမီး​ရေးရာအသင်းအဖွဲ့၊ ရပ်ကွက်အုပ်ချုပ်ရေးမှူးများတို့က ကန်​တော့ခံသက်ကြီးဘိုးဘွားတို့အား ကန်​တော့ချိုးတိုင်ပေးပြီး ပူ​ဇော်ကန်​တော့ခဲ့သည်။ အသက်(၉၀)နှစ်နှင့်အထက် သက်ကြီးဘိုးဘွား(၈၃)ဦးထံအ​ရောက်တစ်ဦးလျှင် ငွေကျပ်(၂ဝ,၀၀၀)နှုန်း​ပေးအပ်လှူဒါန်း၍ ပူဇော်ပွဲတက်​ရောက်​သော ဘိုးဘွားတို့ကို Royal - Dဘူးတို့​ပေးအပ်ခဲ့သည်။ ဆက်လက်၍ ယ​နေ့ညနေတွင် မဟာ​အေး​စေတီဘုရားမှ ​ချောက်မြို့နယ် သံဃာနာယကဆရာ​တော်(၁၁)ပါးက အမှတ်(၁)ရပ်ကွက် ​ရွှေပုံ​တောင်ရပ်မှ အမှတ်(၁၅)ရပ်ကွက်​တိုးချဲ့ရပ်အထိ ​လမ်းမ​တော်တစ်​လျှောက်မော်​တော်ကားများဖြင့် လှည့်လည်၍ အန္တရာယ်ကင်းပရိတ်များရွတ်ဖတ်ပူ​ဇော်သွားမည်ဖြစ်​ကြောင်း သိရသည်။

ကျော်မိုး

https://t.me/MyanmarNationalPost