တာချီလိတ် ၊ ဧပြီ ၁၈
ရှမ်းပြည်နယ် (အရှေ့ပိုင်း)၊ တာချီလိတ်မြို့၊ မကာဟိုခမ်းရပ်ကွက်ရှိ ရွှေတိဂုံဘုရားစေတီတော်ကြီး၌ ယမန်နေ့ မြန်မာနှစ်ဆန်းတစ်ရက်နေ့ညတွင် ဆီမီးကိုးထောင်ကပ်လှူပူဇော်ခြင်းဖြင့် ဘုရားဖူးလာရောက်သူများနှင့် အထူးစည်ကားများပြားလျက်ရှိသည်။
အဆိုပါ ဆီမီးကိုးထောင်ထွန်းညှိပူဇော်ပွဲရာတွင် စစ်ဗျူဟာအဖွဲ့ (အခြေချ) တာချီလိတ်မှ စစ်ဗျူဟာမှူး ဗိုလ်မှူးကြီး ကျော်မင်းထွန်း၊ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးတင့်ဝေသုံ၊ မြို့မိမြို့ဖများ၊ ရွှေတိဂုံစေတီတော်ဂေါပကအဖွဲ့ဥက္ကဋ္ဌ ဦးဇော်မြင့်နှင့် ဂေါပကအဖွဲ့ဝင်များ၊ ခရိုင်/မြို့နယ် ဌာနဆိုင်ရာများ၊ ပရဟိတလူမှုကူညီရေးအသင်းများ၊ ဒေသနေတိုင်းရင်းသား ပြည်သူများက ငလျင်ဒဏ်သင့်သေဆုံးသူများအတွက် ဝမ်းနည်းခြင်း အထိမ်းအမှတ်အဖြစ် ဖုန်းမီးများဖွင့်ကာ နှစ်မိနစ်ကြာငြိမ်သက်၍ ဆုတောင်းမေတ္တာပို့သကြပြီး ဆီးမီးများထွန်းညှိပူဇော်ခြင်းနှင့် မီးပုံပျံလွှတ်တင်ခြင်းများ ဝိုင်းဝန်းကုသိုလ်ပြုဆောင်ရွက်ခဲ့သည်။
ထို့အတူ ဝတ်ရွတ်အသင်းများက အန္တရာယ်ကင်းပရိတ်တရားတော်များ ရွတ်ဖတ်ပူဇော်ခြင်း၊ ရွှေတိဂုံစေတီတော်သို့ လာရောက်ဖူးမျှော်သူများက ရေ၊ ဆီမီး၊ ပန်းများကပ်လှူကာ ကုသိုလ်ပြုသူများဖြင့် အထူးစည်ကားများပြားခဲ့ကြောင်း သိရသည်။
ကျော်ဇေယျာလင်း
https://t.me/MyanmarNationalPost
No comments:
Post a Comment