တရုတ်က အမေရိကန်ဆီက LNG ဓာတ်ငွေ့ရည် လုံးဝ မဝယ်တော့ဘူး လို့ ဆို

ဧပြီ - ၁၉ ( စနေနေ့ ) 

တရုတ်နိုင်ငံသည် အမေရိကန်၏ သဘာဝဓာတ်ငွေ့အရည် (LNG) တင်သွင်းမှုကို ဆယ်ပတ်ကျော်ကြာ ရပ်တန့်ခဲ့ပြီးနောက်မှတော့  ဘေဂျင်းနှင့် ဝါရှင်တန်ကြား ကုန်သွယ်ရေးစစ်ပွဲကြောင့် စွမ်းအင်ပူးပေါင်း ဆောင်ရွက်မှု ကို ဖြတ်ချလိုက်ပြီလို့ သိရပါတယ်။ 

ကုန်သွယ်ရေးတင်းမာမှုများ ပြင်းထန်လာချိန်တွင် တရုတ်က အမေရိကန် ဟိုက်ဒရိုကာဗွန်များအပေါ် ၉၉% အထိ စည်းကြပ်ခွန်များ ချမှတ်ခဲ့ပြီး ၎င်းတို့ကို တရုတ်ဈေးကွက်မှ ထိထိရောက်ရောက် စျေးနှုန်းသတ်မှတ်ခဲ့ပါတယ်။ အမေရိကန်ဘက်က သွင်းကုန်ခွန်အများစုကို ရက် ၉၀ ကြာ ရပ်ဆိုင်းထားပေမဲ့ နောက်ဆုံးချမှတ်ထားတဲ့ စုစုပေါင်းအခွန် ၁၄၅ %ကို တရုတ်က ရင်ဆိုင်နေရပါတယ်။ လက်တုံ့ပြန်သည့်အနေဖြင့် ပေကျင်းသည် အမေရိကန်ကုန်ပစ္စည်းများအပေါ် စည်းကြပ်ခွန် ၁၂၅ ရာခိုင်နှုန်း ချမှတ်ခဲ့ပြီး နည်းပညာမြင့် ဓာတ်သတ္တုများ တင်ပို့မှုကို တားမြစ်ခဲ့ပါတယ်။ 

ပြီးခဲ့တဲ့ ဖေဖော်ဝါရီလတုန်းက တက္ကဆက်ပြည်နယ် ကော်ပတ်ခရစ္စတီကုမ္မဏီက LNG တန်ချိန် ၆၉၀၀၀ ပါတဲ့ သင်္ဘောတစ်စီး ဖူကျန်ပြည်နယ်သို့ ရောက်ရှိလာတဲ့အချိန်မှာ အခွန်စည်းကြပ်မှု ပုံစံသစ်ကြောင့်  စွမ်းအင်ကုန်သွယ်မှုတွင် သိသိသာသာ ပျက်ပြားသွားခဲ့ရကြောင်း တရုတ်အခြေစိုက် စွမ်းအင်ကုန်သည်များရဲ့ အစီရင်ခံစာမှာ ပါရှိပါတယ်။ 

ဖေဖော်ဝါရီလ ၁၅ ရက်နေ့တွင် အမေရိကန်က LNG ခွန် ၁၅ % ကောက်ခံခြင်းမပြုမီ တရုတ်နိုင်ငံသို့ ဒုတိယ အကြိမ် ရေနံတင်သင်္ဘောတစ်စင်း ရောက်ရှိလာပြီးနောက် အကောက်ခွန်ပုံစံသစ်ကြောင့် ဘင်္ဂလားဒေ့ရှ် နိုင်ငံသို့ လမ်းကြောင်းလွဲသွားခဲ့ရပါတယ်။ ယင်းအကောက်ခွန်သည် ၄၉ % အထိ တိုးမြင့်လာခဲ့ပြီး မကြာမီကာလအတွင်း တရုတ်ဝယ်လက်များအတွက် အမေရိကန် LNG စျေးအလွန်ကြီးသွားခဲ့ရပါတယ်။ 

"ရေရှည်အကျိုးဆက် အနေအထားအရကတော့ တရုတ် LNG တင်သွင်းသူတွေက အမေရိကန် LNG ကို ဘယ်တော့မှ စာချုပ်ချုပ်နိုင်မယ် မထင်တော့ပါဘူး" လို့ ကိုလံဘီယာတက္ကသိုလ်ရဲ့ ကမ္ဘာ့စွမ်းအင်ပေါ်လစီ ဌာန မှ သဘာဝဓာတ်ငွေ့ကျွမ်းကျင်သူ အန်နီဆိုဖီ ကော်ဗျူး က ပြောပါတယ်။ 

REF: RT

https://t.me/MyanmarNationalPost