ဥရောပသမဂ္ဂ ( အီးယူ) မှာ လာဘ်ပေးလာဘ်ယူသမားတွေကို အမြစ်ကလှန်ဖို့ စီးနင်းမှုတွေ လုပ်နေပြီ

မေ - ၁၆ ( သောကြာနေ့ ) 

နေတိုးအဖွဲ့ရဲ့ ထောက်/ပို့ အေဂျင်စီ (NSPA) ၏ လက်ရှိ ဝန်ထမ်းဟောင်းများ ပါဝင်သော အကျင့်ပျက် ခြစားမှုတွေကို အရေးယူဖို့အတွက်  စုံစမ်းစစ်ဆေးမှုရဲ့ အစိတ်အပိုင်း တစ်ရပ်အနေနဲ့ ဥရောပ နိုင်ငံအများအပြား နဲ့ အမေရိက မှာ ရဲများက ရှာဖွေ ဖမ်းဆီးခြင်းများ ပြုလုပ်ခဲ့ နေပါတယ်။ 

ဥရောပသမဂ္ဂ၏ ရာဇဝတ်မှုဆိုင်ရာ တရားစီရင်ရေးအေဂျင်စီ ( ယူရိုဂျက်စ်) မှ ပူးပေါင်းဆောင်ရွက်သည့် စီးနင်းမှုတွေကို လူဇင်ဘတ်၊ ဘယ်လ်ဂျီယံ၊ နယ်သာလန်၊ စပိန်၊ အီတလီနှင့် အမေရိကန်တို့ မှာလုပ်ခဲ့ပါတယ်။ NSPA ရဲ့ အဓိကဌာနချုပ်ကနေ စုံစမ်းစစ်ဆေးမှုကို စတင်လုပ်ဆောင်ခဲ့ကြောင်း နေတိုး ပူးပေါင်းဆောင်ရွက်ရေး အဖွဲ့က ဆိုပါတယ်။ 

“NSPA အပါအဝင် နေတိုးအဖွဲ့ထဲမှာ ပြစ်မှုကျူးလွန်သူများအား တရားမျှတမှုရရှိစေရေးအတွက် တရားဥပဒေစိုးမိုးရေးနှင့် အနီးကပ်ပူးပေါင်းဆောင်ရွက်လျက်ရှိသည်” လို့ ပြောရေးဆိုခွင့်ရှိသူ အယ်လီဆန် ဟာ့တ် က ဆိုပါတယ်။ “အန္တရာယ်များကို လျော့ပါးသက်သာစေရန်နှင့် အကျင့်ပျက်မှုကို အမြစ်ဖြတ်ရန် ကျွန်ုပ်တို့၏စွမ်းရည်ကို အားကောင်းကောင်းနဲ့ တက်ကြွစွာ လုပ်ဆောင်နေပါတယ်”လို့ သူမက ဆိုပါတယ်။ 

နေတိုးအဖွဲ့ အတွင်းရေးမှူးချုပ် မာ့ခ်ရက်တီက အန်ကာရာတွင် ကြာသပတေးနေ့က သတင်းထောက်များအား နေတိုးပူးပေါင်းဆောင်ရွက်ရေးအဖွဲ့သည် အာဏာပိုင်များနှင့် လက်တွဲလုပ်ဆောင်နေကြောင်း ပြောကြားခဲ့ပါတယ်။ “ကျနော်တို့ အမြစ်ကနေ လှန်မှာပါ” လို့ ပြောသွားပါတယ်။ 

လူဇင်ဘတ်ရှိ အစိုးရရှေ့နေရုံးမှ NSPA ဝန်ထမ်းများသည် “မိမိတို့ကိုယ်ကို ချမ်းသာစေရန်အတွက် ၎င်းတို့၏ရာထူးများကို အသုံးပြုခဲ့သည်” ဟူသော သံသယများနှင့် သက်ဆိုင်သည့် စာရွက်စာတမ်းများကို သိမ်းဆည်းရမိခဲ့ကြောင်း ပြောကြားခဲ့ပါတယ်။

ဘယ်လ်ဂျီယံတွင် ဝန်ထမ်း နှစ်ဦးနှင့် နယ်သာလန်တွင် သုံးဦးကို ဖမ်းဆီးထားကြောင်း တာဝန်ရှိသူများက ပြောပါတယ်။ “ခဲယမ်းနှင့် ဒရုန်းများကဲ့သို့သော နေတိုးအတွက် စစ်လက်နက်ပစ္စည်းများ ဝယ်ယူမှုအတွက် ကာကွယ်ရေး ကန်ထရိုက်များအား စာချုပ်များ ပေးအပ်ရာတွင် ဖြစ်နိုင်ခြေရှိသော မမှန်မကန်မှုများ” ရှိနေတယ်လို့ ဘယ်လ်ဂျီယံ အစိုးရရှေ့နေများက ပြောကြားခဲ့ပါတယ်။ စုံစမ်းစစ်ဆေးရေးအဖွဲ့သည် NSPA ဝန်ထမ်းများ နဲ့ ကာကွယ်ရေးကုမ္ပဏီများကြားတွင် ငွေကြေးခဝါချမှုများ နှင့် NSPA ဝန်ထမ်းများ၏ လျှို့ဝှက်အချက်အလက်များကို မျှဝေခြင်း ဖြစ်နိုင်ကြောင်း စုံစမ်းစစ်ဆေးမှုတွင် တွေ့ခဲ့ရပါတယ်။ 

နယ်သာလန်အာဏာပိုင်များသည် တနင်္လာနေ့တွင် အမ်စတာဒမ် ရှီးဖော လေဆိပ် တွင် ဒတ်ခ်ျကာကွယ်ရေးဝန်ကြီးဌာနမှ အရာရှိဟောင်းတစ်ဦးကို ဖမ်းဆီးခဲ့ကြောင်း ဒတ်ခ်ျအာဏာပိုင်များက ပြောကြားခဲ့ပါတယ်။ ၎င်းက ကာကွယ်ရေးစာချုပ်များ ပေးအပ်ခြင်းနှင့်ပတ်သက်၍ ၂၀၂၃ ခုနှစ်တွင် လာဘ်ယူထားတယ်လို့ သံသယရှိနေခဲ့ပါတယ်။ 

နေတိုးအဖွဲ့ဝင်များသည် ၎င်းတို့၏ ကာကွယ်ရေးကို မြှင့်တင်ရန်နှင့် ယူကရိန်းထံ ပေးပို့မည့် လက်နက်များ ပိုမိုထုတ်လုပ်ရန် နည်းလမ်းများကို ရှာဖွေနေချိန်တွင် စုံစမ်းစစ်ဆေးမှုများ ပြုလုပ်ခဲ့တာပဲဖြစ်ပါတယ်။ မတ်လအတွင်းက ဥရောပကော်မရှင်သည် အီးယူကို ပြန်လည်ထူထောင်ရန်အတွက် ယူရို ၈၀၀ ဘီလီယံ (ဒေါ်လာ ၈၉၆ ဘီလီယံ) မြှင့်တင်ရန် အစီအစဉ်ကို ထုတ်ဖော်ထားတာရှိပါတယ်။

REF: RT

https://t.me/MyanmarNationalPost