ဟင်္သာတမြို့နယ်တွင် အကြမ်းဖက်ဖြစ်စဉ်များကြောင့် နေရပ်စွန့်ခွာပြည်သူများအတွက် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေမှ ထောက်ပံ့ငွေပေးအပ်

ဟင်္သာတ၊ မေ ၁၅

ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့နယ်၊ နတ်မော်အုပ်စု၊ နတ်မော်ကျေးရွာရှိ အခြေခံပညာအထက်တန်းကျောင်း(နတ်မော်) ကျောင်းခန်းမ၌ အကြမ်းဖက်ဖြစ်စဉ်များကြောင့် နေရပ်စွန့်ခွာပြည်သူများအတွက် အမျိုးသားသဘာဝဘေးအန္တရာယ် ဆိုင်ရာ စီမံခန့်ခွဲမှုရန်ပုံငွေမှ ထောက်ပံ့ငွေပေးအပ်ခြင်း အခမ်းအနားကို ယမန်နေ့မွန်းလွဲပိုင်းက ကျင်းပပြုလုပ်ခဲ့ကြောင်း သိရသည်။

အခမ်းအနားသို့ ဟင်္သာတမြို့နယ်စီမံအုပ်ချုပ်ရေးအဖွဲ့ ခေတ္တဥက္ကဋ္ဌ ဦးအောင်ဇော်မင်းနှင့် အဖွဲ့ဝင်များ၊ ဟင်္သာတခရိုင် ပြည်သူ့ကျန်းမာရေးဦးစီးဌာနမှူး ဒေါက်တာ နေခြည်ထက်ထက် လင်းအောင်၊ ဟင်္သာတခရိုင် သဘာဝဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ ခရိုင်ဦးစီးမှူး ဒေါ်သဲ့ထွဋ်ကျော့သဇင်၊ ဟင်္သာတမြို့နယ် မီးသတ်ဦးစီးမှူးဦးဥက္ကာ၊ ဟင်္သာတမြို့နယ် ရွေးကောက်ပွဲကော်မရှင်အဖွဲ့ခွဲမှ ဦးစီးအရာရှိ ဒေါ်စန်းစန်းအေးနှင့် သက်ဆိုင်ရာ ရပ်/ကျေး အုပ်ချုပ်ရေးမှူးများနှင့် နေရပ်စွန်ခွာပြည်သူများ စုစုပေါင်းအင်အား(၆၀)ဦးခန့် တက် ရောက်ခဲ့သည်။

အဆိုပါအခမ်းအနားတွင် ဟင်္သာတမြို့နယ်စီမံအုပ်ချုပ်ရေးအဖွဲ့ ခေတ္တဥက္ကဋ္ဌ ဦးအောင်ဇော်မင်းက အဖွင့်အမှာစကားနှင့် အားပေးစကားများပြောကြားခဲ့ပြီးနောက် ဟင်္သာတမြို့နယ် စီမံအုပ်ချုပ်ရေးအဖွဲ့ခေတ္တဥက္ကဋ္ဌ ဦးအောင်ဇော်မင်းနှင့် တာဝန်ရှိသူများမှ နေရပ်စွန့်ခွါပြည်သူ(၁၂၅)ဦးအတွက် တစ်ဦးလျှင်(၂၀,၀၀၀)ကျပ်နှုန်းဖြင့် နှစ်လစာ (၄၀,၀၀၀) ကျပ်နှင့် ဆန်(၁)ပြည်တို့အား အသီးသီးထောက်ပံ့ပေးအပ်ခဲ့ကြသည်။ အလားတူ ညနေပိုင်းတွင် ဟင်္သာတမြို့၊ တာကလေးရပ်ကွက်၊ နတ်မော်လမ်းရှိ “ဦးအောင်မြတ်ကျော်” တန်ဆောင်း၌ အကြမ်းဖက်ဖြစ်စဉ်များကြောင့် နေရပ်စွန့်ခွာပြည်သူများအတွက် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေမှ ထောက်ပံ့ငွေ ပေးအပ်ခြင်းအခမ်းအနား ကို ကျင်းပပြုလုပ်ခဲ့ပြီး နေရပ်စွန့်ခွာပြည်သူဦးရေ(၃၀၁) ဦးအတွက် တစ်ဦးလျှင် (၂၀,၀၀၀) ကျပ်နှုန်းဖြင့် နှစ်လစာ(၄၀,၀၀၀)ကျပ်နှင့် ဆန်(၁)ပြည်တို့အား တာဝန်ရှိသူများမှ အသီးသီး ထောက်ပံ့ပေးအပ်ခဲ့ကြောင်း သိရသည်။

https://t.me/MyanmarNationalPost