မေ - ၂၁ ( ဗုဒ္ဓဟူးနေ့ )
အမေရိကန်သမ္မတဟောင်း ဂျိုးဘိုင်ဒန်ရဲ့ ဇနီးဖြစ်သူ ဂျေးဘိုင်ဒန် သည် ခင်ပွန်းဖြစ်သူ ဂျိုး ကို ကင်ဆာရောဂါ ရှိနေမှန်း သိသိရက်နဲ့ သမ္မတရာထူးအတွက် အရွေးခံရန် တွန်းအားပေးပါက 'သက်ကြီးရွယ်အိုများအား ညှင်းပန်းနှိပ်စက်ခြင်း'ဆိုင်ရာ စွဲချက်များနှင့် ရင်ဆိုင်သင့် တယ်လို့ လက်ရှိသမ္မတ ဒေါ်နယ်ထရမ့်ရဲ့ ရှေ့နေ လီယို တာရယ် က ပြောကြားလိုက်ပါတယ်။
ပြီးခဲ့သည့် သီတင်းပတ်က အမေရိကန် သမ္မတဟောင်းရုံးက ဂျိုး မှာ ဆီးကျိတ်ကင်ဆာ၏ “ပြင်းထန်သောပုံစံ” ရှိကြောင်း တွေ့ရှိခဲ့ ပြီးနောက် ဘိုင်ဒန် နဲ့ သူ့မိသားစုအတွက် ဝမ်းနည်းကြောင်း တစ်ချို့က ထုတ်ဖော်ပြောဆိုခဲ့ကြပါတယ်။ ဒါပေမဲ့ အချို့က ရောဂါရှာဖွေတွေ့ရှိခဲ့တာကြာပြီဆိုပေမဲ့ အများသူငှာ မသိအောင် တမင်တကာ တားမြစ်ထားတယ်လို့ ဆိုကြပါတယ်။
ပြည်သူ့အခွင့်အရေး လက်ထောက်ရှေ့နေချုပ်ရဲ့ အကြီးတန် အတိုင်ပင်ခံဖြစ်တဲ့ တာရယ် က သူ့ရဲ့ အိတ်စ်လူမှုကွန်ယက်စာမျက်နှာမှာ "ဂျေးက ဂျိုးမှာ ဆီးကျိတ်ကင်ဆာရှိမှန်းသိသိရက်နဲ့ သမ္မတလုပ်ဖို့ တွန်းအားပေးခဲ့တယ်ဆိုရင် ဒါက သက်ကြီးရွယ်အိုညှင်းပန်နှိပ်စက်မှုပါပဲ။ အဲ့ဒါက ရာဇဝတ်မှု ဖြစ်သွားနိုင်ပါတယ်" လို့ ရေးတင်ခဲ့ပါတယ်။
ဘိုင်ဒန် ၏ရုံးအဆိုအရ၊ သမ္မတဟောင်းနှင့် သူ၏မိသားစုသည် ယခုအချိန်တွင် "သူ၏သမားတော်များနှင့် ကုသမှုရွေးချယ်စရာများကို ပြန်လည်သုံးသပ်နေသည်"။ ယခင်က အရေပြားကင်ဆာရောဂါကို အောင်မြင်စွာ ကုသနိုင်ခဲ့သော သမ္မတဟောင်း၏ အခြေအနေကို ပုံမှန် ကိုယ်ကာယ စစ်ဆေးမှုများ ပြုလုပ်နေတာကို အတည်ပြုခဲ့ပါတယ်။
"သောကြာနေ့တွင်၊ သူသည်အရိုးသို့ metastasis ဖြင့် Gleason ရမှတ် ၉ (အဆင့်အုပ်စု ၅) သွင်ပြင်လက္ခဏာဖြင့် ဆီးကျိတ်ကင်ဆာရှိကြောင်း စစ်ဆေးတွေ့ရှိခဲ့သည်" ဟု ရုံး၏ ထုတ်ပြန်ချက်တွင်ဖော်ပြထားသည်။ "ဒါက ရောဂါရဲ့ ပိုမိုပြင်းထန်တဲ့ပုံစံကို ကိုယ်စားပြုနေပေမယ့် ကင်ဆာဟာ ဟော်မုန်းအာရုံခံနိုင်ရည်ရှိပုံပေါ်ပြီး ထိရောက်တဲ့ စီမံခန့်ခွဲမှုကို ခွင့်ပြုပေးနိုင်ပါတယ်။"လို့ ဆိုပါတယ်။
ဒေါ်နယ်ထရမ့် က ဘိုင်ဒန် နဲ့ သူ့မိသားစုကို သူ့ရဲ့ကိုယ်ပိုင် truth လူမှုကွန်ယက်စာမျက်နှာ မှာ "ကျနော်နဲ့ ကျနော်ဇနီးမယ်လာနီတို့ ကတော့ ဂျိုးဘိုင်ဒန် ရဲ့ လတ်တလော ဆေးစစ်ချက်တွေကို ကြားသိရလို့ စိတ်မကောင်းဖြစ်မိပါတယ်။ ဂျေး နဲ့ မိသားစုကို ကျွန်တော်တို့ နွေးထွေးစွာနဲ့ ဆုမွန်ကောင်းတောင်းပြီး ဂျိုး အမြန်ပြန်ကောင်းလာပါစေလို့ ဆုတောင်းပါတယ်"လို့ ရေးတင်ထားပါတယ်။
REF: RT
https://t.me/MyanmarNationalPost
No comments:
Post a Comment