ဒဂုံမြောက် ၊ မေ ၈
ရန်ကုန်တိုင်းဒေသကြီး၊ ဒဂုံမြို့သစ်ခရိုင်၊ ဒဂုံမြို့သစ်(မြောက်ပိုင်း)မြို့နယ်၌ အကြမ်းဖက်ဖြစ်စဉ်များကြောင့် ယာယီနေရပ်စွန့်ခွာ၍ ရောက်ရှိနေသည့် ပြည်သူများနှင့် ဝန်ထမ်းမိသားစုများအား အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေမှ ပေးအပ်သော ဒုတိယအကြိမ်ထောက်ပံ့ငွေများ ဆက်လက်ပေးအပ်လျက်ရှိရာ ယမန်နေ့နံနက်ပိုင်းက (၃၅) ရပ်ကွက်အုပ်ချုပ်ရေးမှူးရုံးနှင့် (၅၀)ရပ်ကွက်၊ ဓမ္မာရုံတို့၌ ပေးအပ်ခဲ့ကြောင်းသိရသည်။
အဆိုပါ ဒုတိယအကြိမ်ထောက်ပံ့ငွေများအား ယာယီနေရပ်စွန့်ခွာ၍ ဒဂုံမြို့သစ်(မြောက်ပိုင်း)မြို့နယ်၌ ရောက်ရှိနေသည့် ပြည်သူများအား လက်ဝယ်အရောက် ပေးအပ်ရာတွင် မြို့နယ်စီမံအုပ်ချုပ်ရေးအဖွဲ့ ၊ အဖွဲ့ဝင်များက ပြည်သူများထံ တစ်ဦးလျှင်တစ်လ ထောက်ပံ့ငွေကျပ် ၂၀၀၀၀/-နှုန်းစီဖြင့် ၂၀၂၅-ခုနှစ် ဖေဖော်ဝါရီလနှင့် မတ်လ နှစ်လစာအတွက် တစ်ဦးလျှင် ငွေကျပ် ၄၀၀၀၀/-အား နေရပ်စွန့်ခွာ ပြည်သူများနှင့် ဝန်ထမ်းမိသားစုများထံ လက်ဝယ်အရောက် ပေးအပ်ခဲ့ကြသည်။
ဒဂုံမြို့သစ်(မြောက်ပိုင်း)မြို့နယ်သို့ ယာယီနေရပ်စွန့်ခွာ၍ ရောက်ရှိနေသည့် ပြည်သူများနှင့် ဝန်ထမ်းမိသားစုများ စုစုပေါင်း လူဦးရေ (၇၃၁)ဦးရှိ၍ ထောက်ပံ့ငွေ ကိုယ်တိုင်လာရောက်မထုတ်ယူနိုင်သည့် ပြည်သူများကို သက်ဆိုင်ရာရပ်ကွက်အုပ်ချုပ်ရေးမှူး များမှတစ်ဆင့် ပေးအပ်လျက်ကြောင်း သိရသည်။
မြင့်မြင့်ရီ
https://t.me/MyanmarNationalPost
No comments:
Post a Comment