ကြံခင်းမြို့နယ်အတွင်းရှိ ၂၀၂၄- ၂၀၂၅ ပညာသင်နှစ်၊ အခြေခံပညာကျောင်းများ ၁၂၂ ကျောင်း၊ ကိုယ်ပိုင်ကျောင်း တစ်ကျောင်းနှင့် ဘုန်းတော်ကြီးသင်ပညာရေးကျောင်း နှစ်ကျောင်းတွင် အောင်စာရင်းများ ကြေညာ

ကြံခင်း၊ မေ ၁၅

ဧရာဝတီတိုင်းဒေသကြီး၊ မြန်အောင်ခရိုင်၊ ကြံခင်းမြို့နယ်အတွင်းရှိ ၂၀၂၄- ၂၀၂၅ ပညာ သင်နှစ်၊ အခြေခံပညာကျောင်း ၁၂၂ ကျောင်း၊ ကိုယ်ပိုင်ကျောင်း တစ်ကျောင်းနှင့် ဘုန်းတော်ကြီးသင် ပညာရေးကျောင်း နှစ်ကျောင်းတို့တွင် ယနေ့ နံနက် ၆ နာရီမှစတင်၍ အောင်စာရင်းများ ကြေညာ ကပ်ထားလျက်ရှိသည်။ 

ကြံခင်းမြို့နယ်အတွင်းရှိ အခြေခံပညာကျောင်း ၁၂၂ ကျောင်း၊ ကိုယ်ပိုင်ကျောင်း တစ်ကျောင်း နှင့် ဘုန်းတော်ကြီးသင်ပညာရေးကျောင်း(ဘက)နှစ်ကျောင်းတို့၌ ၂၀၂၄- ၂၀၂၅ ပညာသင်နှစ်၊ KG မှ Grade -11 ထိ အောင်စာရင်းများကို ကြေညာကပ်ထားထုတ်ပြန်ခဲ့ရာ ကျောင်းသား၊ ကျောင်းသူများ နှင့် မိဘအုပ်ထိန်းသူများ အေးချမ်းစွာဖြင့် လာရောက်ကြည့်ရှုကြသည်။

အဆိုပါ ၂၀၂၄-၂၀၂၅ ပညာသင်နှစ်တွင်  KG မှ Grade -11 ထိ ဝင်ရောက်ဖြေဆိုသူ ၁၃၈၅၃ ဦး ရှိပြီး ဖြေဆိုအောင်မြင်သူ ၁၀၀% ပြည့် အောင်မြင်ကြောင်း မြို့နယ်ပညာရေးမှူးရုံးမှ သိရသည်။

ဖြိုးဝေလင်း

https://t.me/MyanmarNationalPost