ဒဂုံအရှေ့ ၊ ဇွန် ၅
ရန်ကုန်တိုင်းဒေသကြီး၊ ဒဂုံမြို့သစ်ခရိုင်၊ ဒဂုံမြို့သစ်(အရှေ့ပိုင်း)မြို့နယ်အတွင်းရှိ အခြေခံပညာစာသင်ကျောင်းများကို ဇွန်လ ၂ ရက်နေ့နံနက် ၇ နာရီမှစ၍ ဖွင့်လှစ်သင်ကြားပေးလျက်ရှိသည်။
၂၀၂၅-၂၀၂၆ ပညာသင်နှစ် အခြေခံပညာကျောင်းများဖွင့်လှစ်ရာတွင် မြို့နယ်အတွင်း၌ မူလတန်း၊ အလယ်တန်း၊ အထက်တန်းကျောင်းပေါင်း(၃၃)ကျောင်း၊ကိုယ်ပိုင်ကျောင်း(၁၀)ကျောင်းနှင့် ဘုန်းတော်ကြီးသင်ပညာရေးကျောင်း(၁၂)ကျောင်း စုစုပေါင်းကျောင်း ၅၅ ကျောင်းရှိပြီး ဇွန်လ ၂ ရက်နေ့အထိ ကျောင်းအပ်လက်ခံပြီးသူ ကျောင်းသား၊ကျောင်းသူ (၂၇၁၅၄) ဦး ရှိကြောင်းသိရသည်။
“ကျောင်းနေအရွယ်ကလေးအားလုံး စဉ်ဆက်မပြတ်ပညာသင်ယူဖို့ ကျောင်းအပ်နှံကြပါစို့” ဆိုသည့်ဆောင်ပုဒ်အတိုင်း ကျောင်းနေအရွယ်ကလေးတိုင်း ပညာသင်ကြားနိုင်ရေး အခြေခံပညာကျောင်းများတွင် နေ့စဉ်ကျောင်းအပ်လက်ခံသွားမည်ဖြစ်ကြောင်းနှင့် ကျောင်းအပ်ရာတွင်လည်း ငွေကြေးတစ်စုံတစ်ရာ ကောက်ခံခြင်းမရှိဘဲ ကျောင်းသား၊ ကျောင်းသူ များအား ကျောင်းသုံးပြဌာန်းစာအုပ်၊ ဗလာစာအုပ်၊ ခဲတံ၊ ဘောလ်ပင်၊ ကျောင်းဝတ်စုံများကို နိုင်ငံတော်မှ အခမဲ့ထောက်ပံ့ပေးကြောင်း မြို့နယ်ပညာရေးမှူးရုံးမှသိရသည်။
အေးမဉ္ဇူ
https://t.me/MyanmarNationalPost
No comments:
Post a Comment