နေ့လည် နေ့ခင်းကို နာရီဝက်ထက်ပို မအိပ်သင့်ဘူးလို့ သုတေသီတွေဆို

ဇွန် - ၆ ( သောကြာနေ့ ) 

နေ့ခင်းတစ်ရေးအိပ်တာက သက်လတ်ပိုင်းနဲ့ သက်ကြီးရွယ်အိုတွေအတွက် ဆွဲဆောင်မှုရှိပုံပေါ်ပေမယ့် ဒီတစ်ရေးတစ်မောအိပ်တာက အရွယ်မတိုင်မီသေဆုံးခြင်း ဖြစ်နိုင်ခြေပိုများတယ်လို့ သုတေသီတွေက ဆိုကြပါတယ်။ အဲ့ဒိကိစ္စနဲ့ပတ်သက်ပြီး  သုတေသီများက လာမည့် အမေရိကန်အိပ်စက်ခြင်းဆိုင်ရာ ဆေးပညာ အကယ်ဒမီ အစည်းအဝေးတွင် အစီရင်ခံရန်စီစဉ်ထားပါတယ်။ 

" နေ့ခင်းပိုင်းတွေမှာ ပိုအိပ်တာက ကျန်းမာရေးနဲ့ လူနေမှုပုံစံကို အန္တရာယ် ပိုများတယ်" လို့ ဘောစတွန် မြို့ ရှိ မက်ဆာချူးဆက်အထွေထွေဆေးရုံ မှ ပါရဂူဘွဲ့လွန် သုတေသနအဖွဲ့မှ သုတေသီ ချန်လုဂေါင် က သတင်း ထုတ်ပြန်ချက်တစ်ခုတွင် ပြောကြားခဲ့ပါတယ်။ 

လေ့လာမှုအတွက် သုတေသီများက ယူကေ ဇီဝဘဏ် ရေရှည်ကျန်းမာရေးသုတေသနပရောဂျက်တွင် ပါဝင်တဲ့ လူပေါင်း ၈၆၅၀၀ ကျော်အပေါ် ဒေတာခွဲခြမ်းစိတ်ဖြာခဲ့ပါတယ်။  အဲ့ဒီလူတွေကို လက်ကောက်ဝတ်ကိရိယာတွေ သုံးပြီး တစ်ပတ်ကြာ စောင့်ကြည့်ပြီး သူတို့ရဲ့ အိပ်စက်မှုအလေ့အထနဲ့  သေဆုံးမှုမှတ်တမ်းတွေ ကို နှိုင်းယှဉ်ခဲ့ပါတယ်။ နေခင်းဘက် တစ်ရေးတစ်မောအိပ်တတ်တဲ့သူတွေရဲ့ ပျမ်းမျှအသက်က ၆၃ နှစ်လို့ သိလာရပါတယ်။  နောက်ဆက်တွဲ ၁၁ နှစ်အတွင်း လူပေါင်း ၅၂၀၀ နီးပါး သေဆုံးခဲ့တယ်လို့ သုတေသီတွေက ပြောပါတယ်။

ရလဒ်များအရ အရွယ်မတိုင်မီ သေဆုံးနိုင်ခြေ ပိုများကြောင်း ပြသထားသည်-

• နေ့ခင်းဘက် တရေးတမောကိုကြာကြာ အိပ်ချင်သူများ

• မကြာခဏ တစ်ရေးတစ်မော အိပ်တတ်တဲ့ သူများ

• နံနက် ၁၁ နာရီမှ ညနေ ၃ နာရီအတွင်း တစ်ရေးတစ်မော အိပ်တတ်သူများ 

နေ့လည်ပိုင်း နာရီဝက်ထက် ပိုကြာအောင် တစ်ရေးတစ်မော အိပ်ခြင်းက ကတုန်ကယင်ဖြစ်နိုင်ချေကို လျော့ပါးစေတယ်လို့ အရင်က သုတေသီတွေက ဆိုပါတယ်။ ဆိုလိုတာက အားပြန်ဖြည့်တဲ့သဘောမျိုးကို ဆိုပါတယ်။ 

"စိတ်ဝင်စားဖို့ကောင်းတာက နေ့ခင်းပိုင်းနဲ့ နေ့ခင်းပိုင်းတွေမှာ တစ်ရေးတစ်မောအိပ်ခြင်းနဲ့ ဆက်စပ်နေတဲ့ အန္တရာယ်တွေကို ပြသတဲ့ ဒေတာက လက်ရှိ ကျွန်တော်တို့ သိထားတဲ့ တစ်ရေးတစ်မော အိပ်စက်ခြင်းနဲ့ ဆန့်ကျင်ဘက်ဖြစ်ပြီး အဲဒီလင့်ခ်ကို နောက်ထပ် သုတေသနပြုနိုင်မယ်လို့ ဂေါင်က ဆိုပါတယ်။

သူက ဆီးတဲလ်မြို့  က AASM ရဲ့ နှစ်ပတ်လည် အစည်းအဝေးတွင် အဆိုပါ တွေ့ရှိချက်များကို တင်ပြမှာဖြစ်ပါတယ်။ 

REF: UPI

https://t.me/MyanmarNationalPost