ရွှေတောင်၊ ဇွန် ၁၆
ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ် ၊ ကြို့ကုန်းကျေးရွာအုပ်စု၊ ကွင်းအမှတ် ( ၄၂၀C )၊ကွင်းအတွင်းရှိ တောင်သူ ဦးစောလွင်၏ နွေစပါးစိုက်လယ်မြေတွင် နွေစပါး( အောင်နိုင်တိုးစပါးမျိုး) လယ်မြေ( ၁) ဧကကွက်အား ရိတ်သိမ်းခြွေလှေ့စက်ဖြင့် နွေစပါး စံကွက်ရိတ်သိမ်းခဲ့ကြောင်းသိရသည်။
အဆိုပါနွေစပါး( အောင်နိုင်တိုးစပါးမျိုး) လယ်မြေ ( ၁) ဧကတွင် စပါးခြွေလှေ့စက်ဖြင့် စံကွက်ကြီး ရိတ်သိမ်း၍ စံနှုန်းတိုင်းတာခြင်း၊ အထွက်နှုန်း ချိန်တွယ် တိုင်းတာခြင်းများ ဆောင်ရွက်ခဲ့ရာတွင် အထွက်နှုန်း အစိုတင်း (၁၂၁.၁၂) တင်း ထွက်ရှိကြောင်းသိရသည်။
နွေစပါးစံကွက်ရိတ်သိမ်းရာသို့ပြည်ခရိုင် စီမံအုပ်ချုပ်ရေးအဖွဲ့ဥက္ကဌ ၊( ခရိုင်စိုက်ပျိုးရေးမွေးမြူရေးကြီးကြပ်မှုကော်မတီ) ဥက္ကဌဦးသိန်းအောင်နှင့်အဖွဲ့ဝင်များ၊ ပဲခူးတိုင်းဒေသကြီးစိုက်ပျိုးရေးဦးစီးဌာန၊ (အနောက်ပိုင်း)ဒုတိယတိုင်းဒေသကြီးဦးစီးမှူးဦးဇော်ဝင်းထွန်း၊ခရိုင်စိုက်ပျိုးရေးမွေးမြူရေးကြီးကြပ်မှုကော်မတီပါဌာနဆိုင်ရာအကြီးအကဲများ၊ ရွှေတောင်မြို့နယ် စီမံအုပ်ချုပ်ရေးအဖွဲ့ဥက္ကဌ ၊( မြို့နယ် စိုက်ပျိုးရေးမွေးမြူရေးကြီးကြပ်မှုကော်မတီ) ဥက္ကဌဦးဟံဝင်းအောင်နှင့် အဖွဲ့ဝင်များ၊ မြို့နယ် စိုက်ပျိုးရေးမွေးမြူရေးကြီးကြပ်မှုကော်မတီပါဌာနဆိုင်ရာအကြီးအကဲများ၊ စိုက်ပျိုးရေးဦးစီးဌာန ၊ မြို့နယ်ဦးစီးမှူးနှင့် ဝန်ထမ်းများ၊မြေစာရင်းဦးစီးဌာန မြို့နယ်ဦးစီးမှူးနှင့်ဝန်ထမ်းများ၊ကျေးရွာအုပ်စုများရှိအုပ်ချုပ်ရေးမှူးများနှင့် တောင်သူများ စုစုပေါင်း အင်အား( ၁၈၉) ဦးတို့က ကြည့်ရှုအားပေးခဲ့ကြသည်။
မြို့နယ်အတွင်း နွေစပါးစိုက်တောင်သူများ တစ်ဧက အထွက်နှုန်း ကောင်းမွန်စေရန်အတွက် စိုက်ပျိုးရေးဦးစီးဌာနမှ စပါးမျိုးကောင်းမျိုးသန့်များ ဖြန့်ဖြူးခြင်းနှင့် စိုက်ပျိုးရေးနည်းပညာများ ကူညီပံ့ပိုးမှုများ ဆောင်ရွက်ပေးခဲ့ကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment