တိုက်ကြီး ၊ ဇွန် ၆
ရန်ကုန်တိုင်းဒေသကြီး၊ တိုက်ကြီးခရိုင်၊ တိုက်ကြီးမြို့နယ်တွင် ဇွန်လ ၃ ရက်နေ့ ညနေ ၃ နာရီ ၄၀ မိနစ်အချိန်က လေပြင်းတိုက်ခတ်ပြီး မိုးသည်းထန်စွာရွာသွန်းမှုကြောင့် ချင်းကုန်းကျေးရွာအုပ်စု၊ ရေအေးကျေးရွာ၊ ဂျိုးဖြူကန်လမ်းမကြီးပေါ်သို့ သစ်ပင်လဲကျ၍ လမ်းပိတ်ဆို့မှုဖြစ်ပေါ်ခဲ့သည်။
သစ်ပင်လဲကျမှု ဖြစ်ပွားရာနေရာသို့ မြို့နယ်မီးသတ်စခန်းမှ မြို့နယ်ဦးစီးမှူး ဦးဇော်ချစ်ထက်ကြီးကြပ်မှုဖြင့် ဒုတိယမီးသတ်ဦးစီးမှူး ဦးဖြိုးဝေဇော်ဦးဆောင်၍ သန္ဓေမီးသတ်တပ်ဖွဲ့ဝင် ၈ ဦးတို့က ဂျိုးဖြူပိုက်လိုင်းပေါ်တင်၍ ကားလမ်းမပေါ်သို့လဲကျနေသော ညောင်ပင်အား ခုတ်ထွင်ရှင်းလင်း ဖယ်ရှားဆောင်ရွက်ပေးခဲ့သဖြင့် လမ်းသွားလမ်းလာများ သွားလာနိုင်ပြီဖြစ်သည်။
အဆိုပါ လေပြင်းတိုက်ခတ်မှုကြောင့် လူနှင့်တိရိစ္ဆာန် ထိခိုက်သေဆုံးမှုမရှိကြောင်း သိရသည်။
ဝတ်ရည်
https://t.me/MyanmarNationalPost
No comments:
Post a Comment