ကြံခင်း၊ ဇွန် ၁၃
ဧရာဝတီတိုင်းဒေသကြီး၊ မြန်အောင်ခရိုင်၊ ကြံခင်းမြို့နယ်၊ ကလို့ကွင်းအုပ်စု၊ ကလို့ကွင်း အနောက်ကျေးရွာ တောင်သူ ဦးသန့်ဇင်၏ လယ်မြေတွင် ယနေ့ နံနက်ပိုင်းက ဧရာမင်းမျိုးစပါးအား Drum Seeder ဖြင့် ၅ ဧက စိုက်ပျိုးနေမှုကို မြို့နယ်စိုက်ပျိုးထုတ်လုပ်မှုတိုးတက်မြင့်မားရေး ကြီးကြပ်မှုကော်မတီဥက္ကဋ္ဌ ဦးဝင်းလှိုင်နှင့် အဖွဲ့ဝင်များ၊ တာဝန်ရှိသူများက ကွင်းဆင်းကြည့်ရှု အားပေးကြသည်။
မြို့နယ်စိုက်ပျိုးထုတ်လုပ်မှု တိုးတက်မြင့်မားရေးကြီးကြပ်မှုကော်မတီ အနေဖြင့် တောင်သူများ မိုးစပါး တစ်ဧက တင်း ၁၀၀ နှုန်း အထွက်တိုးစေရေး၊ ကြဲခင်းစနစ် လျော့နည်း ပပျောက်စေရေး၊ မျိုးစပါးများ ေလလွင့်မှုမရှိစေရေး၊ ခတ်မီနည်းပညာများဖြင့် တိုးမြင့် သုံးစွဲတတ်လာစေရန် ရည်ရွယ်ကာ Drum Seeder ဖြင့် ကွင်းအမှတ် ၅၈ - ခ ၊ ဦးပိုင်အမှတ် ၁၁၊ ေတာင်သူ ဦးသန့်ဇင်၏ လယ်မြေတွင် ဧရာမင်း မိုးစပါးစိုက်ပျိုးကွင်း သရုပ်ပြခြင်းကို မြို့နယ်စိုက်ပျိုးထုတ်လုပ်မှုတိုးတက်မြင့်မားရေးကြီးကြပ်မှုကော်မတီဥက္ကဋ္ဌ ဦးဝင်းလှိုင်နှင့် အဖွဲ့ဝင်များ၊ မြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူး ဦးစတိုင်းသာနှင့် ဝန်ထမ်းများ၊ အုပ်ချုပ်ရေးမှူးနှင့် ဒေသခံတောင်သူများ တက်ရောက်ခဲ့ကြောင်း သိရသည်။
ဖြိုးဝေလင်း
https://t.me/MyanmarNationalPost
No comments:
Post a Comment