ရန်ကုန်၊ ဇူလိုင် ၁၀
နိုင်ငံတော်သံဃမဟာနာယကအဖွဲ့၊ ဝိနိစ္ဆယအဖွဲ့ခွဲမှ ဆရာတော်ကြီးများက ဦးသူရိယနှင့် အပေါင်းအပါများ၏ ဟောပြောချက်များသည် ပိဋကတ် ခြောက်တန်တင် ဗုဒ္ဓတရာတော်များနှင့် ညီညွတ်ခြင်းမရှိသောကြောင့် အဓမ္မဝါဒအဖြစ် ဆုံးဖြတ်ခဲ့ပြီး ဦးသူရိယ က အဓမ္မဝါဒကို စွန့်လွှတ်ပါမည်ဟု ဝန်ခံလက်မှတ်ရေးထိုးခြင်း မရှိသောကြောင့် အရပ်ဘက်မှ ဆက်လက်ဆောင်ရွက်ရန် သက်ဆိုင်ရာဝန်ကြီးဌာနများအား လွှဲအပ်ခဲ့သည်။
ထိုသို့ ဆုံးဖြတ်ခဲ့ပြီးဖြစ်သော်လည်း အရပ်ဘက်မှ ဆက်လက်အရေးယူဆောင်ရွက်ခြင်း မရှိဘဲ ဦးသူရိယ က လူမှုကွန်ရက်မှ ဝိနိစ္ဆယဆရာတော်ကြီးများအား ဝေဖန်ပြစ်တင်ပြောဆိုခြင်း၊ အဓမ္မဝါဒကို ဆက်လက်ဟောပြောခြင်းများ ပြုလုပ်နေခဲ့ပြီး ယနေ့ (၁၀-၇-၂၀၂၅) ရက်နေ့ တွင် အရိယာမဏ္ဍိုင် တောရရိပ်သာအား တာဝန်ရှိသူများက ဝင်ရောက်စစ်ဆေးပြီး ဖမ်းဆီးထိန်းသိမ်းသွားပြီဖြစ်ကြောင်း သတင်းထွက်ပေါ်လာခဲ့သည်။
အဆိုပါ အခြေအနေနှင့် ပတ်သက်၍ မြန်မာနေရှင်နယ်ပို့စ် သာသနာရေးနှင့် ယဉ်ကျေးမှုဝန်ကြီးဌာန၊ ပြည်ထဲရေးဝန်ကြီးဌာနများကို ထိန်းသိမ်းဆောင်ရွက်မှု အခြေအနေ ဟုတ်မှန်ခြင်း ရှိ၊ မရှိ မေးမြန်းထားသော်လည်း ပြန်လည်ဖြေကြားခြင်း မရှိသေးပေ။
မြန်မာနေရှင်နယ်ပို့စ် ၏ အခြားသတင်းရင်းမြစ်များက ဝင်ရောက်စစ်ဆေးထိန်းသိမ်းလိုက်သည်မှာ မှန်ကန်ကြောင်း ဆိုသည်။
https://t.me/MyanmarNationalPost
No comments:
Post a Comment