ရွှေသောင်ယံ ၊ စက်တင်ဘာ ၁၅
ဧရာဝတီတိုင်းဒေသကြီး၊ ပုသိမ်ခရိုင်၊ ရွေသောင်ယံမြို့ကမ်းခြေတွင် ယခုစက်တင်ဘာလဆန်းပိုင်းမှစတင်၍ မျှင်အုပ်များစတင်တွေ့ရှိလာသည့်အတွက် မျှင်ဖမ်းစက်လှေများဖြင့် လိုက်လံ၍ မျှင်ရှာဖွေကြသူများလည်းရှိလာကြကြောင်း သိရသည်။
ရာသီဥတုကြည်လင်သောရက်များ၌ ကမ်းခြေတွင်မျှင်ရှာဖွေကြသည့် စက်လှေများကို တွေ့ရပြီး အဆိုပါစက်လှေများပေါ်မှ မျှင်အုပ်များကိုတွေ့ရှိပါက ကွန်ဖြင့်ပြစ်ခြင်း၊ ရေတိမ်တွင်ဂွပိုက်ဖြင့် ထိုးခြင်း၊ ရေနက်ပိုင်းတွင်တွေ့ရှိပါက ကျော့ပိုက်ဖြင့် ကျော့ယူခြင်းတို့ ပြုလုပ်ပြီး ရရှိလာသော မျှင်ကောင်များကို နေလှမ်းကာကြိတ်စက်ဖြင့်ကြိတ်၍ ငပိပြုလုပ်ကြသည်။
အဆိုပါ မျှင်ငပိစစ်စစ်များမှာ ယခုလိုပေါ်ဦးပေါ်ဖျားရာသီ၌ တစ်ပိဿာလျှင် (၂၈၀၀၀) ခန့်ကမ်းခြေတွင် စျေးရရှိနေကြောင်း အဆိုပါမျှင်ငပိ စျေးသည်ယခုလိုပေါ်ဦးပေါ်ဖျားရာသီ၌ဖြစ်ပြီး နောင်မျှင်ငပိများ လှိုင်လှိုင်ပေါ်ချိန်တွင်စျေးကျလေ့ရှိကြောင်း ဒေသခံများထံမှ သိရသည်။
https://t.me/MyanmarNationalPost
No comments:
Post a Comment