ဘိုကလေး ၊ စက်တင်ဘာ ၁၅
ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်အား သန့်ရှင်းသာယာလှပစေရေး၊ စိမ်းလန်းစိုပြေရေးတို့အတွက် မြို့နယ်စည်ပင်သာယာရေးအဖွဲ့က စဉ်ဆက်မပြတ် လုပ်ငန်းများ ဆောင်ရွက်လျက်ရှိရာ ယနေ့နံနက်ပိုင်း၌ ဘိုကလေးမြို့နယ်သာယာလှပစေရေးအတွက် အလှပန်းပင်များ စိုက်ပျိုးခဲ့ကြသည်။
အလှပန်းပင်များ စိုက်ပျိုးရာတွင် မြို့နယ်စည်ပင်သာယာရေးအဖွဲ့၊ အမှုဆောင်အရာရှိ ဦးခင်ညွန့် ဦးဆောင်၍ ဘိုကလေးမြို့အဝင် ဆိုင်းဘုတ်အနီး၊ ဖျာပုံ-ဘိုကလေး ကားလမ်းမဘေး ဝဲ၊ ယာ၌ နာနတ်မွှားပင်၊ စိန်တံချုပန်းပင်များအား မြေချစိုက်ပျိုး၍ အောင်ဩဘာ(၁၈)လမ်းနှင့် ဘိုကလေး-စက်ဆန်းကားလမ်းထောင့်ရှိ မြေယာရှုခြင်းတွင် နိုင်ငံခြားစက္ကူပင်၊ ဂျာဗားပုဏ္ဏရိပ်ပုပင်၊ မယ်ညိုပင်၊ ဘဲစားမြက်ပင်တို့အား လှပသာယာရေးအတွက် စိုက်ပျိုးခဲ့ကြကြောင်း သိရသည်။
မိုးစက်
https://t.me/MyanmarNationalPost
No comments:
Post a Comment