ပန်းတောင်းမြို့နယ် ထုံးဘိုအခြေခံပညာအထက်တန်းကျောင်း၌ မှုခင်းကျဆင်းရေး အသိပညာပေးဟောပြောပွဲကျင်းပ

ပန်းတောင်း ၊  စက်တင်ဘာ ၁၈

ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ် ထုံးဘိုမြို့ အခြေခံပညာအထက်တန်းကျောင်း၌ မြို့နယ်ရဲတပ်ဖွဲ့မှူးရုံး၊ မြို့နယ်ပညာရေးမှူးရုံးနှင့် မြို့နယ်သတင်းစာဆရာအသင်းတို့ ပူးပေါင်းကာ မှုခင်းကျဆင်းရေးပညာပေးဟောပြောပွဲကို ကျင်းပပြုလုပ်ခဲ့ကြောင်း သိရသည်။

အခမ်းအနားတွင် အ.ထ.က(ထုံးဘို) ကျောင်းအုပ်ဆရာမကြီးဒေါ်ညိမ်းညိမ်းမှ အဖွင့်အမှာစကားပြောကြားခဲ့ပြီး မြို့နယ်သတင်းစာဆရာအသင်းနာယက ဦးမြင့်ဌေး (မြင့်ဌေး-ရွှေပင်မြေ)မှ “လူကုန်ကူးမှုတားဆီးကာကွယ်ရေးနှင့် မူးယစ်ဆေးဝါးကင်းစင်ပပျောက်ရေး” ခေါင်းစဉ်ဖြင့် ဟောပြောခဲ့သည်။ ထို့နောက် မြန်မာနိုင်ငံရဲတပ်ဖွဲ့၊ ထုံးဘိုနယ်မြေရဲစခန်းမှ စခန်းမှူး ရဲအုပ် ဝဏ္ဏရွှေမှ ဒုစရိုက်မှုခင်းများ ဖြစ်ပွားရခြင်း အကြောင်းများနှင့် ယာဉ်စည်းကမ်း/ လမ်းစည်းကမ်းများ လိုက်နာတတ်စေရေးဟောပြောခဲ့သည်။

ဆက်လက်၍ မြို့နယ်သတင်းစာဆရာအသင်းဥက္ကဋ္ဌ ဦးအောင်မြင့် (အောင်မြင့်- ပန်းတောင်း)မှ “သက်ငယ်မုဒိမ်းမှုများပပျောက်ရေး မှုခင်းများနှင့် ကြုံရဆုံရသတင်းထောက်ဘဝ” ခေါင်းစဉ်ဖြင့်ဟောပြောခဲ့ပြီး ကျောင်းကိုယ်စား ဆရာမတစ်ဦးမှ ကျေးဇူးတင်စကားပြောကြားခဲ့သည်။ ထို့နောက်ပန်းတောင်းမြို့နယ် သတင်းစာဆရာအသင်းနာယက ဆရာဦးမြင့်ဌေးမှ စာအုပ်စာပေများ ပေးအပ်လှူဒါန်းပြီး ကျောင်းအုပ်ဆရာမကြီး ဒေါ်ညိမ်းညိမ်းကာ အမှတ်တရမှတ်တမ်းဓာတ်ပုံများ စုပေါင်းရိုက်ကူးခဲ့ကြပြီး အခမ်းအနားကို ရုတ်သိမ်းခဲ့ကြောင်း သိရသည်။

လပြည့်လင်း

https://t.me/MyanmarNationalPost