မြောက်ဥက္ကလာပ၊ စက်တင်ဘာ ၂၁
ရန်ကုန်တိုင်းဒေသကြီး၊ မရမ်းကုန်းခရိုင်၊ မြောက်ဥက္ကလာပမြို့နယ်၌ ဧကာဒသမအကြိမ် လေးမြိုင် ဓမ္မပူဇာစာပေဆုချီးမြှင့်ပွဲ ၊ ဓမ္မဝါဒ ဖော်ဆောင်ရေးအဖွဲ့၏ ဒသမအကြိမ် ထေရဝါဒစာမူပြိုင်ပွဲဆုရစာမူများ ဆုပေးပွဲ နှင့် စာရေးဆရာကြီး(ဦး)လေးမြိုင် ၏ အသက် ၁၀၁ နှစ်ဂုဏ်ပြုကန်တော့ပွဲကို ယနေ့ နံနက် ၁၀ နာရီအချိန် ဆုတောင်းပြည့်မယ်လမုစေတီတော်ကြီးတွင် ကျင်းပပြုလုပ်ခဲ့သည်။
ဦးစွာအခမ်းအနားသို့ တက်ရောက်လာကြသောဆရာတော်သံဃာတော်အရှင်သူမြတ်များ ၊ စာရေးဆရာ ၊ ဆရာမများ ၊ ဖိတ်ကြားထား သော ဧည့်သည့်တော်များ က နမောတဿ သုံးကြိမ်ရွတ်ဆို ဘုရားကန်တော့ခဲ့ကြပြီး နာယကဆရာ တော် အရှင်ကောဝိဒ(ယော)က အမှာစကားမြွတ်ကြားခဲ့သည်။ ထို့နောက် နာယကဆရာတော်များအား ဓမ္မပူဇာ၀တ္ထု အလှူငွေ ၊ ဓမ္မပူဇာစာပေဆု နှင့် ဓမ္မဝါဒ ဖော်ဆောင်ရေးအဖွဲ့၏ ဒဿမအကြိမ် ထေရဝါဒစာမူပြိုင်ပွဲ ဆုရသူများကို အလှုရှင် အသီးသီးက ဆုများချီးမြှင့် ပေးအပ်ခဲ့ကြသည်။ ဆက်လက်၍ ဓမ္မပူဇာစာပေဆုရှင်များကိုယ်စား ဆရာတော် သုန္ဒရ၀င်း(ချောင်းဦး)က အနုမောဒနာ စကားချီးမြှင့်ကာ ဓမ္မ စာမူ ပြိုင်ပွဲဆုရရှိသူများ ကိုယ်စား ဆရာ အောင်အောင်ဇော် (လှိုင်သာယာ)က ကျေးဇူးတင်စကား ပြောကြားခဲ့သည်။ယင်းနောက် ဆရာကြီး(ဦး)လေးမြိုင်အား ကြွရောက်လာကြ သော ဓမ္မမိတ်ဆွေ ၊ စာပေ မိတ်ဆွေများက ဩကာသ ရှိခိုး ကန့်တော့ခဲ့ကြရာ ဆရာကြီးက ဆုပေးစကားမြွတ်ကြားခဲ့ပြီး အမျှပေးဝေခဲ့ကြကာ ဆရာကြီး(ဦး)လေးမြိုင်အား နိုင်ငံ ကျော် တယော ဦးတင်ဌေး ဦးဆောင်သော လင်းရောင်သစ် တေးဂီတအဖွဲ့က အက ၊ အလှ ၊ ဂီတတို့ဖြင့် ကပြဖျော် ဖြေ ကန်တော့ခဲ့ကြကြောင်း သိရသည်။
သက်လွင်စိုး
https://t.me/MyanmarNationalPost
No comments:
Post a Comment