သံဖြူဇရပ်၊ စက်တင်ဘာ ၂၁
မွန်ပြည်နယ်၊ သံဖြူဇရပ်မြို့နယ်၌ မြို့နယ်သံဃာ့နာယကအဖွဲ့ဥက္ကဋ္ဌဆရာတော် ဘဒ္ဒန္တသီလာစာရ အမှူးရှိသည့် ဆရာတော်ကြီးများ၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးအောင်မိုးလွင်နှင့် အဖွဲ့ဝင်များ၊ မြို့နယ်သာသနာရေးဦးစီးဌာန၊ မြို့နယ်ဥပထမ္ဘကအဖွဲ့တို့မှ (၅၀) ကြိမ် မြောက်ဆန်ဆွမ်းလောင်းလှူပွဲကို စက်တင်ဘာ ၂၀ ရက် မွန်းလွဲပိုင်းတွင် ကျင်းပပြုလုပ်သည်။
အဆိုပါ ဆန်ဆွမ်းလောင်းလှူပွဲကို ကျောင်းပိုင်းရပ်ကွက်ရှိ၊ မြို့လယ်ကျောင်းပရိယတ္တိစာသင်တိုက် သံဃာစုရပ်မှ စတင်ထွက်ခွာ၍ သံဖြူဇရပ်မြို့ပေါ် ရပ်ကွက် ၈ ရပ်ကွက်သို့ လှည့်လည်ကြွရောက်တော်မူရာ မြို့ပေါ်ရပ်ကွက်အသီးသီးရှိ အလှူရှင်များမှ လောင်းလှူခဲ့ကြသည်။
အဆိုပါ ဆီဆွမ်းလောင်းလှူပွဲကို မြို့နယ်အတွင်းရှိ ဘုန်းတော်ကြီးကျောင်း (၉၀) ကျောင်းနှင့် သီလရှင်ကျောင်း (၂၀)ကျောင်း၊ စုစုပေါင်း(၁၁၀)ကျောင်းမှ သံဃာအပါး (၁၄၀၃) သီလရှင်အပါး (၄၀၀) စုပေါင်း (၁၈၀၃) ပါးအား လောင်းလှူခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment