သဲကုန်း၊ အောက်တိုဘာ ၉
ပဲခူးတိုင်းဒေသကြီး ရွေးကောက် ပွဲတာဝန်ခံ ဦးအောင်မြင့်လွင်နှင့် တာဝန်ရှိသူများသည် ယမန်နေ့က ပဲခူးတိုင်းဒေသကြီး၊ နတ်တလင်းခရိုင်၊ သဲကုန်းမြို့နယ်၊ အင်းမမြို့တွင် ၂၀၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲကျင်းပနိုင်ရေးအတွက် ပထမအကြိမ် မဲဆန္ဒရှင်စာရင်းများ ထုတ်ပြန်ကြေညာထားမှုအား ကွင်းဆင်းကြည့်ရှုစစ်ဆေးခဲ့သည်။
ထိုသို့ကြည့်ရှုစစ်ဆေးရာတွင် ပဲခူးတိုင်းဒေသကြီး ရွေးကောက်ပွဲတာဝန်ခံ ဦးအောင်မြင့်လွင်နှင့်တာဝန်ရှိသူများသည် သဲကုန်းမြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဝင်များ ၊ မြို့နယ်ရွေးကောက်ပွဲကော်မရှင်အဖွဲ့ခွဲ ဥက္ကဋ္ဌနှင့်အဖွဲ့ဝင်များ၊ မြို့နယ်ရွေးကောက်ပွဲကော်မရှင်အဖွဲ့ခွဲရုံးမှ ဝန်ထမ်းများ၊ မဲစာရင်းလာရောက်ကြည့်ရှုသူ မဲဆန္ဒရှင်ပြည်သူများနှင့် တွေ့ဆုံ၍ မဲဆန္ဒနယ်များမှ မဲပေးပိုင်ခွင့်ရှိသူ အသက် ၁၈ နှစ်ပြည့်ပြီးသော မဲဆန္ဒရှင်ပြည်သူများအနေဖြင့် မိမိတို့၏ ဆန္ဒမဲပေးပိုင်ခွင့်ရှိမှုများ ဆုံးရှုံးမှုမရှိစေရေးအတွက် မဲစာရင်းများကို သေချာစစ်ဆေးကြရန်၊ မဲစာရင်းတွင် မိမိနာမည် မပါဝင်ပါက ပုံစံ (၃)ဖြင့် မဲစာရင်းတွင်အမည်ထည့်သွင်းလျှောက်ထားတင်ပြနိုင်ကြောင်း၊ မိမိအချက်အလက်များ မှားယွင်းနေပါက ပြင်ဆင်ပေးနိုင်ရေး လျှောက်ထားကြရန်၊ မဲစာရင်းပါအချက်အလက်များ မှားယွင်းနေပါက ပုံစံ (၄-ဂ)ဖြင့် ပြင်ဆင်လွှာတင်သွင်းကြရန်လမ်းညွှန်မှာကြားခဲ့ကြောင်းမြို့နယ်ရွေးကောက်ပွဲကော်မရှင်အဖွဲ့ ခွဲရုံးမှသိရှိရသည်။
ကိုကျော်
https://t.me/MyanmarNationalPost
No comments:
Post a Comment