အောက်တိုဘာ - ၂၄ ( သောကြာနေ့ )
ကွာလာလမ်ပူ ကွန်ဗင်းရှင်းဗဟိုဌာန (KLCC) တွင် ကျင်းပမယ့် ၄၇ ကြိမ်မြောက် အာဆီယံ ထိပ်သီးအစည်းအဝေးနှင့် ဆက်စပ်ထိပ်သီးအစည်းအဝေးများသို့ ခေါင်းဆောင်များ ထပ်မံရောက်ရှိလာခြင်းကြောင့် ယနေ့တွင် ကွာလာလမ်ပူမှ အဆင့်မြင့် ခရီးစဉ်များ ပျာယာခတ်သွားတာကို မြင်တွေ့ရမှာဖြစ်ပါတယ်။
ကွာလာလမ်ပူလေဆိပ်သို့ ဒီကနေ့ ရောက်ရှိလာသူများထဲတွင် ဘရာဇီးသမ္မတ လူဝစ်အင်နာချို လူလာဒဆေးလ်ဗား နဲ့ သမ္မတကတော် ရိုဆန်ဂျယ်လာ၊ တရုတ်ဒုတိယဝန်ကြီးချုပ် ဟီလီဖန်၊ တောင်အာဖရိကသမ္မတ ရမ်မာဖိုဆာ နဲ့ ကတော် ဒေါက်တာ မော့ဆီပီ၊ တီမောလက်စလေ သမ္မတ ဂျိုဆေးရာမို့စ်ဟော်တာ နဲ့ ဝန်ကြီးချုပ် ဂူစ်မောင်ဝ် တို့ ပါနေပါတယ်။
ဖင်လန်နိုင်ငံခြားရေးဝန်ကြီး အယ်လီနာဗော်တိုနန်၊ အာဆီယံအတွင်းရေးမှူးချုပ် ဒေါက်တာ ကောင်ကမ်ဟွန် နဲ့ ဇနီး ခန်ရန်နီ၊ တီမော နိုင်ငံခြားရေးနှင့် ပူးပေါင်းဆောင်ရွက်ရေးဝန်ကြီး ဘန်ဒီတို၊ အင်ဒိုနီးရှားနိုင်ငံခြားရေးဝန်ကြီး ဆူဂျီယိုနို နှင့် နိုင်ငံရေးနှင့် လုံခြုံရေးဆိုင်ရာ ညှိနှိုင်းရေးဝန်ကြီး ဒီဂျေမာရီ တို့လည်း ပါဝင်မှာဖြစ်ပါတယ်။
အခြားကမ္ဘာ့ခေါင်းဆောင်တွေထဲက အမေရိကန်သမ္မတ ဒေါ်နယ်ထရမ့် ၊ တရုတ်ဝန်ကြီးချုပ် လီကင်း၊ ဥရောပကောင်စီဥက္ကဋ္ဌ အန်တိုနီယိုကော်စတာနှင့် ဂျပန်နိုင်ငံ၏ ပထမဆုံး အမျိုးသမီးဝန်ကြီးချုပ် ဆာနေး တာကိုင်ချီ တို့လည်း တက်ရောက်မှာဖြစ်ပါတယ်။
အောက်တိုဘာ ၂၆ ရက်မှ ၂၈ ရက်အထိ KLCC ၌ ကျင်းပမည့် ၄၇ ကြိမ်မြောက် အာဆီယံထိပ်သီးအစည်းအဝေးနှင့် ဆက်စပ်ထိပ်သီးအစည်းအဝေးအတွက် ၎င်းတို့လာရောက်မှုက ပိုပြီးတော့ အရှိန်အဟုန်ကို ကြီးထွားစေပါတယ်။
၁၉၆၇ ခုနှစ်တွင် အာဆီယံအသင်း စတင်ဖွဲ့စည်းပြီးနောက်ပိုင်း မလေးရှားသည် အာဆီယံဥက္ကဋ္ဌအဖြစ် ၂၀၁၅၊ ၂၀၀၅၊ ၁၉၉၇ နှင့် ၁၉၇၇ ခုနှစ်တို့တွင် တာဝန်ယူခဲ့ပါတယ်။
REF: Bernama
https://t.me/MyanmarNationalPost
No comments:
Post a Comment