လဲချားမြို့နယ်တွင် မဲဆန္ဒရှင်စာရင်းမှန်ကန်စေရေး တိုက်ဆိုင်စစ်ဆေး

လဲချား၊ အောက်တိုဘာ ၂၀

ရှမ်းပြည်နယ်(တောင်ပိုင်း) လဲချားမြို့နယ် အ‌ထွေထွေအုပ်ချုပ်ရေးဦးစီးဌာနအစည်းအဝေးခန်းမတွင် အောက်တိုဘာ ၁၉ ရက် မွန်းလွဲပိုင်းက မြို့နယ်ရွေးကောက်ပွဲကော်မရှင်အဖွဲ့ခွဲ အဖွဲ့ဝင်များ၊ ဌာနဆိုင်ရာများ၊ ရပ်ကျေးစာရေးများ၊ ရပ်ကွက်အုပ်ချုပ်ရေးမှူးများနှင့် ၂၀၂၅ ခုနှစ် အထွေထွေရွေးကောက်ပွဲအောင်မြင်စွာကျင်းပနိုင်ရေးအတွက် မဲဆန္ဒရှင်စာရင်းမှန်ကန်စေရေး တိုက်ဆိုင်စစ်ဆေးခြင်းများဆောင်ရွက်သည်။

‎အခမ်းအနားတွင် မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးနန်းတင့်က  အမှာစကားပြောကြားပြီး ၂၀၂၅ခုနှစ် ရွေးကောက်ပွဲဆိုင်ရာများဆွေးနွေးကာ မြို့နယ်ရွေးကောက်ပွဲကော်မရှင်အဖွဲ့ခွဲ အဖွဲ့ဝင်များ၊ ဌာနဆိုင်ရာများ၊ရပ်ကျေးစာရေးများ၊ ရပ်ကွက်/‌ကျေးရွာအုပ်ချုပ်ရေးမှူးများက တာဝန်ကျရာ ရပ်ကွက်/ကျေးရွာအသီးသီးရှိ မဲဆန္ဒရှင်စာရင်းများဖြစ်သည့် မြေပြင်ရှိ၊ ခရီးလွန်၊ စစ်ဘေးရှောင်၊ မသန်စွမ်းစသည့် စာရင်းများအားပုံစံ(၃)၊ ပုံစံ.၃(က)၊ ပုံစံ(၄)၊ ပုံစံ၄(ဂ)၊ ပုံစံ(၁၅)တို့ဖြင့် တိုက်ဆိုင်စစ်ဆေးသည်။ လဲချားမြို့အနေဖြင့် ရပ်ကွက် ၄ ရပ်ကွက်ကျေးရွာအုပ်စု ၁၉ အုပ်စု၊ လျာထားမဲရုံ ၃၃ ရုံ၊ ပထမအကြိမ် ကပ်ထားကြေညာသည့် မဲဆန္ဒရှင်ဦးရေ ၂၅၈၇၅ ဦးဖြစ်ကြောင်း မြို့နယ်ရွေးကောက်ပွဲကော်မရှင်ခွဲ တာဝန်ရှိသူထံမှသိရသည်။

https://t.me/MyanmarNationalPost