အင်းစိန် ၊ အောက်တိုဘာ ၃၀
ရန်ကုန်တိုင်းဒေသကြီး အင်းစိန်ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန(Community Centre)ခန်းမတွင် အောက်တိုဘာ ၂၉ ရက်နေ့ မွန်းလွဲပိုင်းက Book Club အဖွဲ့ စာဖတ်ဝိုင်း ဆွေးနွေးပွဲကို ကျင်းပပြုလုပ်ခဲ့ကြောင်း သိရသည်။
စာဖတ်ဝိုင်း ဆွေးနွေးပွဲတွင် Book Club အဖွဲ့ နာယက ဦးရန်နောင် (ရန်နောင်-ပညာရေး)၊ အင်းစိန်ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန လက်ထောက်ညွှန်ကြားရေးမှူး ဒေါ်စန္ဒာထွန်းနှင့် အင်းစိန်မြို့နယ်စာရေးဆရာအသင်းဥက္ကဋ္ဌ ဦးတော်မြင့်(တော်မြင့် ငှက်ဖျား) တို့က အဖွင့်အမှာစကားပြောကြားကြပြီး အင်းစိန်မြို့နယ် စာပေဥယျာဥ်အသင်း Book Club အဖွဲ့ ဒုတိယဥက္ကဋ္ဌ ဦးဝင်းမြင့်က စာဖတ်ဝိုင်းပြုလုပ်ရခြင်းအကြောင်းများကို ရှင်းလင်းပြောကြားခဲ့သည်။
ဆက်လက်၍ စာရေးဆရာ ဒေါက်တာဗိုလ်သံမဏိ တောင်တွင်းကြီးက အညာဓလေ့များနှင့် ခင်ခင်ထူးရေးသားသည့်ပါးကွက်ကျား ဝတ္ထုတိုများမှရသစာပေများနှင့်ပတ်သက်၍ ဦးဆောင်ဆွေးနွေးပြီး စာရေးဆရာမ ပျိုပျိုနှင့် မောင်ပန်းဝေ (ညောင်တုန်း)တို့က ဆက်လက်ဆွေးနွေးခဲ့ကြသည်။
ထို့နောက် စာဖတ်ဝိုင်း ဆွေးနွေးပွဲကို တက်ရောက်လာသော စာရေးဆရာများက ပြန်လည်ဆွေးနွေးခဲ့ကြပြီး၊ Book Club အဖွဲ့ နာယက ဦးသက်တင်(မောင်သာတင့် -မြန်အောင်)က ကျေးဇူးတင်အမှာစကားပြောကြားပြီးနောက်၊ ဦးဆောင်ဆွေးနွေးသူများကို အမှတ်တရ လက်ဆောင်များပေးအပ်၍ စုပေါင်းမှတ်တမ်းတင် ဓာတ်ပုံရိုက်ကူးခဲ့ကြကြောင်း သိရသည်။
ထွန်းလင်းကျော်
https://t.me/MyanmarNationalPost
No comments:
Post a Comment