ဒီဇင်ဘာ - ၁၉ ( သောကြာနေ့ )
ကမ္ဘာလုံးဆိုင်ရာ လူသားချင်းစာနာထောက်ထားမှုဆိုင်ရာ အကျပ်အတည်းများအတွက် နိုင်ငံတကာ ကယ်ဆယ်ရေးကော်မတီ (IRC) အရေးပေါ် စောင့်ကြည့်စာရင်းတွင် ဆူဒန်သည် ၃ နှစ်ဆက်တိုက် ထိပ်ဆုံးမှ ရပ်တည်ခဲ့ကြောင်း အကူအညီပေးရေးအဖွဲ့က အင်္ဂါနေ့တွင် ပြောကြားခဲ့ပါတယ်။
စောင့်ကြည့်စာရင်းက လာမည့်နှစ်တွင် လူသားချင်းစာနာထောက်ထားမှုဆိုင်ရာ အရေးပေါ်အခြေအနေများ ပိုမိုဆိုးရွားလာနိုင်တဲ့ အန္တရာယ်အများဆုံးနိုင်ငံ ၂၀ ကို မီးမောင်းထိုးပြထားတယ်။ ဆူဒန်က ပထမ၊ ပါလက်စတိုင်း နယ်မြေများနှင့် တောင်ဆူဒန်တို့က ဒုတိယ ဖြစ်ပါတယ်။ စာရင်းတွင်ပါဝင်သော အခြားအာဖရိကနိုင်ငံများမှာ အီသီယိုးပီးယား၊ ကွန်ဂိုဒီမိုကရက်တစ်သမ္မတနိုင်ငံ၊ မာလီနှင့် ဘာကီနာဖာဆိုတို့ဖြစ်ပါတယ်။
ကလေး ၁၅ သန်း အပါအဝင် ဆူဒန်တွင် လူ ၃၃.၇ သန်းသည် လူသားချင်းစာနာထောက်ထားမှုဆိုင်ရာ အကူအညီများ လိုအပ်နေပြီး နိုင်ငံလူဦးရေ၏ ၆၇ ရာခိုင်နှုန်းကို ကိုယ်စားပြုနေတယ်လို့ ဆိုပါတယ်။
နိုင်ငံသည် ပြင်းထန်သော စားနပ်ရိက္ခာပြတ်လပ်မှုနှင့် ရင်ဆိုင်နေရပြီး လူပေါင်း ၁၉.၂ သန်းသည် ပြင်းထန်သော စားနပ်ရိက္ခာ မလုံလောက်မှု နှင့် ကြုံတွေ့နေရပါတယ်။ လူပေါင်း ၂သိန်းကျော်က လုံးလုံးကိုငတ်နေတာလို့ ဆိုပါတယ်။ ၂၀၂၄ ခုနှစ် ဒီဇင်ဘာလကတည်းက ဆူဒန်တွင် ကာလဝမ်းရောဂါနဲ့ သံသယရှိသူ ၁သိန်းကျော်ကို မှတ်တမ်းတင်ခဲ့ပြီး ဆူဒန်နိုင်ငံသမိုင်းတွင် အကြီးမားဆုံးဖြစ်ပွားမှုဖြစ်ကြောင်း အချက်အလက်များအရ သိရပါတယ်။ ဆူဒန်နိုင်ငံက ရက်စက်ကြမ်းကြုတ်တဲ့ ပြည်တွင်းစစ် ပဋိပက္ခတွင် နှစ်နှစ်ကျော်ကြာ နစ်မြုပ်နေခဲ့ပါတယ်။
REF: RT
#News #MNP #International
No comments:
Post a Comment