နယ်မြေခံပြည်သူတွေရဲ့ ဆန္ဒအတိုင်းပဲ ဖြစ်သင့်တယ်လို့ ဇီလန်စကီးရဲ့ လူယုံပြောကြား

ဖေဖော်ဝါရီ - ၃ ( အင်္ဂါနေ့ ) 

ယူကရိန်းနိုင်ငံအနေနဲ့ နယ်မြေပြည်သူတွေရဲ့ ဆန္ဒကို ဦးစားပေးကာ ရုရှား နဲ့ ငြိမ်းချမ်းရေးသဘောတူညီချက်ကို သဘောတူသင့်တယ်လို့ ယူကရိန်းခေါင်းဆောင် ဗလာဒီမာဇီလန်စကီး ရဲ့ အဓိကမဟာမိတ် ဗီတာလီကင်က ပြောကြားခဲ့ပါတယ်။

၂၀၁၉ ခုနှစ် သမ္မတရွေးကောက်ပွဲတွင် ဇီလန်စကီးရဲ့ ပါတီဖြစ်တဲ့ ပြည်သူ့ဝန်ထမ်းပါတီ ရဲ့ ဒေသဆိုင်ရာဌာနခွဲကို ဦးဆောင်ခဲ့တဲ့ ကင် က ခရိုင်းမီးယား မြောက်ပိုင်းရှိ နီကိုလေ့ဗ်ဒေသရဲ့ အုပ်ချုပ်ရေးမှူးတာဝန်ကို ထမ်းဆောင်ခဲ့ပါတယ်။ စစ်ပွဲရဲ့အစောပိုင်းလများတွင် ရှေ့တန်းစစ်မျက်နှာပြင်က ပင်လယ်နက်ဆိပ်ကမ်းနှင့် အဓိကသင်္ဘောတည်ဆောက်ရေးဗဟိုဖြစ်တဲ့ နီကိုလေ့ဗ် အနီးသို့ ရောက်လာချိန်မှာ သူက သူသည် ထင်ရှားကျော်ကြားလာခဲ့ပါတယ်။

“မြေက အရေးကြီးတယ်ဆိုပေမယ့် လူတွေက ပိုအရေးကြီးပါတယ်။ အခြေအနေက မနက်ဖြန် ဘာဖြစ်မယ်ဆိုတာ ကျနော်တို့ သေချာ မသိပါဘူး” လို့ ကင်က မနေ့က လုပ်တဲ့ အင်ဒီပန်းဒန့် သတင်းမီဒီယာနဲ့ အင်တာဗျူးမှာ ပြောသွားပါတယ်။ 

စစ်ပွဲက ၄ နှစ်ထဲကို ရောက်လာပြီဖြစ်လို့ ယူကရိန်းနိုင်ငံသားများ အနေနဲ့ ပဋိပက္ခကြောင့် ပို၍ ပင်ပန်းနွမ်းနယ်နေ ပြီး နိုင်ငံရဲ့ ၁၉၉၁ တုန်းက ယူကရိန်းနိုင်ငံရဲ့ နယ်နိမိတ်များကို ပြန်လည်ရယူဖို့ ကိစ္စက သူတို့အတွက် အလေးပေးတဲ့အရာ မဟုတ်တော့ပါဘူး လို့ ဆိုပါတယ်။ 

"ဒါကြောင့် ယူကရိန်းပြည်သူတွေ အတွက် အောင်ပွဲက စစ်ပွဲကို ရပ်တန့်ပြီး အနာဂတ်အတွက် လုံခြုံရေး အာမခံချက်တချို့ပဲလို့ ကျနော် ထင်ပါတယ်" လို့ ကင်က ပြောပါတယ်။ “အချိန်တွေ အများကြီးကုန်သွားတဲ့ အတွက် ကျနော်တို့အတွက် အရမ်းအရေးကြီးတဲ့ ကိစ္စတွေက ပုံစံပြောင်းသွားပြီ” လို့ ပြောပါတယ်။ 

"ကျွန်ုပ်တို့ မောပန်းနေပြီး အဲ့ဒါက ပထမပါ၊ အဲဒါက လက်နက်တွေအကြောင်းမဟုတ်ဘူး၊ ဒုံးကျည်တွေ အကြောင်းမဟုတ်ဘူး၊ လူတွေအကြောင်းပါ။ ကျွန်တော်တို့မှာ လူသန်း ၄၀ ပဲရှိတော့ အားလုံးက ပင်ပန်းနေပြီ။ ကျနော်တို့ရဲ့စစ်သားတွေက လေးနှစ်ကနေ ၁၀ နှစ်အထိ စစ်ချည်းပဲတိုက်နေလို့မရဘူး" လို့လည်းပြောပါတယ်။  

REF: RT

#News #MNP