ပေါင်းတည်၊ ဖေဖော်ဝါရီ ၁၅
ပဲခူးတိုင်းဒေသကြီး၊ နတ်တလင်းခရိုင်၊ ပေါင်းတည်မြို့နယ်သို့ အကြောင်းအမျိုးမျိုးကြောင့် နေရပ်စွန့်ခွာလာသူ ပြည်သူများအား ထောက်ပံ့ရေးပစ္စည်းများ ပေးအပ်ပွဲကို ယနေ့ နံနက် ၉ နာရီက ပေါင်းတည်မြို့နယ်ခန်းမတွင် ကျင်းပပြုလုပ်သည်။
အဆိုပါ အခမ်းအနား၌ မြန်မာနိုင်ငံကြက်ခြေနီအသင်းရုံးချုပ် ဘေးအန္တရာယ်စီမံခန့်ခွဲရေးဌာနနှင့် ဂျပန်-အာဆီယံ ကော်ပိုရေးရှင်းတို့ ပူးပေါင်းထောက်ပံ့ပေးအပ်သည့် တစ်အိမ်ထောင်လျှင် ဆန်တစ်အိတ်နှင့် တစ်ကိုယ်ရေသုံးပစ္စည်းစုံ တစ်ပုံးစီကို နတ်တလင်းခရိုင်၊ ပေါင်းတည်မြို့နယ်သို့ နေရပ်စွန့်ခွာလာသူပြည်သူ အိမ်ထောင်စု ၁၂၇ စုအား ဒုတိယမြို့နယ်အုပ်ချုပ်ရေးမှူး ဦးအာကာစိုးနှင့် တာဝန်ရှိသူများ၊ တိုင်း၊ ခရိုင်၊ မြို့နယ်ကြက်ခြေနီအသင်း ဥက္ကဋ္ဌများက အသီးသီး ပေးအပ်ခဲ့ကြကြောင်း သိရသည်။
ရွှေသား
#MNP #News
No comments:
Post a Comment