ကင်ဆာရောဂါက လူ ၅ ယောက်မှာ ၁ ယောက် ဖြစ်လာနိုင်စရာရှိလို့ အရေးပေါ် အစီအမံတွေ လုပ်သင့်ပြီ လို့ ဆို

ဖေဖော်ဝါရီ - ၁၇ ( အင်္ဂါနေ့ ) 

အပြည်ပြည်ဆိုင်ရာ ကင်ဆာသုတေသန အေဂျင်စီက ကမ္ဘာလုံးဆိုင်ရာ ကင်ဆာရောဂါဖြစ်ပွားမှုသည် ၂၀၅၀ ခုနှစ်တွင် ၇၇% တိုးလာနိုင်ကြောင်း သတိပေးထားပြီး အရေးပေါ်ကျန်းမာရေးစောင့်ရှောက်မှု၊ ပြုပြင်ပြောင်းလဲမှု နဲ့ ကုသမှုကို သာတူညီမျှရရှိရေးတို့ကို ပါ မီးမောင်းထိုးပြလိုက်ပါတယ်။ 

အပြည်ပြည်ဆိုင်ရာ ကင်ဆာသုတေသနအေဂျင်စီ (IARC) မှ ခန့်မှန်းသည်မှာ ကမ္ဘာတစ်ဝှမ်းရှိ လူငါးဦးတွင် တစ်ဦးသည် ၎င်းတို့၏ ဘဝတစ်လျှောက်လုံးတွင် ကင်ဆာရောဂါနဲ့ လုံးလည်ချာလည်လိုက်နေရမှာ ဖြစ်နိုင်တာမို့လို့ လူနာများ အရည်အသွေးပြည့်မီသော ကုသမှုများ ရရှိနိုင်စေရန် အရေးတကြီး လိုအပ်နေကြောင်း မီးမောင်းထိုးပြထားပါတယ်။ 

ထိုင်းနိုင်ငံတွင် ကင်ဆာရောဂါဖြစ်ပွားမှုအသစ်နှင့် ကင်ဆာရောဂါဆက်စပ်သေဆုံးမှုမှာ နှစ်စဉ် ခြောက်မျိုးအထိ ရောက်ရှိလာပြီး လူနာအများအပြားက အလုပ်လုပ်ကိုင်နိုင်တဲ့ အသက်အရွယ်တွေ ဖြစ်နေပါတယ်။ အဲ့ဒိပြဿနာက  မိသားစုများအတွက် သာမက နိုင်ငံ့စီးပွားရေးအတွက်ပါ ကြီးမားသောအကျိုးဆက်များ ရှိလာနိုင်ပါတယ်။ 

ခေတ်မီကုသမှုများ လက်လှမ်းမီမှုတွင် အဓိကစိန်ခေါ်မှုမှာ မညီမျှမှုဖြစ်ပါတယ်။ ပျမ်းမျှအားဖြင့် ဆန်းသစ်တီထွင်ထားသော ကင်ဆာဆေးဝါးများသည် စျေးကွက်ရှာဖွေရေးခွင့်ပြုချက်မှ အမျိုးသားမရှိမဖြစ်ဆေးဝါးများစာရင်း (NLEM) တွင် ပါဝင်မှုအထိ ခုနစ်နှစ်ကျော်ကြာပါတယ်။ ကင်ဆာဆေးဝါးရန်ပုံငွေကဲ့သို့သော ငွေကြေးယန္တရားများသည် မရှိမဖြစ်လိုအပ်သော အရည်အသွေးမြင့် ဆေးဝါးများကို ဝယ်သုံးနိုင်ဖို့အတွက် လိုအပ်နေပါသေးတယ်။ အထူးသဖြင့် ဝင်ငွေနည်းနိုင်ငံများနှင့် အလယ်အလတ်ဝင်ငွေရှိသော နိုင်ငံများတွင် သေဆုံးမှုနှုန်းများ ဆက်လက်မြင့်တက်လျက် ရှိနေပါတယ်။ 

REF: The Nation

#MNP #News