မန္တလေး၊ ဖေဖော်ဝါရီ ၉
မန္တလေးတက္ကသိုလ် ဘူမိဗေဒကျောင်းသားဟောင်း ပန်းချီမျိုးသက်၏ မန္တလေးတက္ကသိုလ် နှစ်(၁၀၀)ပြည့်ကို ဂုဏ်ပြုသောအားဖြင့် “လွမ်းတေးဆက်ဆို မန္တလေးတက္ကသိုလ်”အမည်ရှိ တစ်ကိုယ်တော်ရေဆေး ပန်းချီပြပွဲကို ချမ်းအေးသာစံမြို့နယ် နမ္မတီပန်းချီပြခန်း၌ ဖေဖော်ဝါရီလ ၆ ရက်မှ ၈ ရက်ထိ နံနက် ၉ နာရီမှ ညနေ ၅ နာရီအထိ ဖွင့်လှစ်ပြသခဲ့သည်။
လွမ်းတေးဆက်ဆို မန္တလေးတက္ကသိုလ်ပန်းချီပြပွဲတွင် မန္တလေးမြို့မှ မျိုးဆက်သစ်ပန်းချီဝါသနာရှင်မျိုးသက်၏ မန္တလေးတက္ကသိုလ်၏ ပုံရိပ်ပန်းချီကားများ ပြသထားပြီး ပန်းချီကားများတွင်၁၅ လက်မ၊ ၂၂ လက်မအရွယ် ရေဆေးပန်းချီကားများပါဝင်သည်။
ပန်းချီပြပွဲတွင်မန္တလေးတက္ကသိုလ်ဘူမိဗေဒပါမောက္ခ(ငြိမ်း)ဒေါက်တာမြင့်သိန်း၊ စာရေးဆရာဆူးငှက်၊ ပန်းချီဆရာမ ခင်နန်းဆန်တို့က အမှာစကားပြောကြားကြသည်။
အဆိုပါပြပွဲသို့ မန္တလေးမြို့မှ ပန်းချီအနုပညာချစ်မြတ်နိုးသူများ၊ မန္တလေးတက္ကသိုလ်ကျောင်းသား၊ ကျောင်းသူဟောင်းများ၊ အမျိုးသားယဉ်ကျေးမှုနှင့်အနုပညာတက္ကသိုလ်(မန္တလေး)နှင့်ပန်းချီ၊ ပန်းပုကျောင်းမှ ကျောင်းသား၊ ကျောင်းသူများ လာရောက်ကြည့်ရှုကြကြောင်း သိရသည်။
မောင်ပြည်သူ(မန္တလေး)
#MNP #News
No comments:
Post a Comment