ချမ်းမြသာစည်၊ ဖေဖော်ဝါရီ ၁၀
မန္တလေးတိုင်းဒေသကြီး၊ ချမ်းမြသာစည်မြို့နယ် မဟာမုနိဘုရားကြီးတွင် (၃၂) ကြိမ်မြောက် ဆွမ်းဆန်စိမ်းလောင်းလှူပွဲကို ၁၃၈၇ ခုနှစ်၊ တပို့တွဲလပြည့်ကျော် ၈ ရက် ဖေဖော်ဝါရီ ၉ ရက်နေ့ မွန်းလွဲ ၁ နာရီက မဟာမုနိဘုရားကြီးဝန်းအတွင်းရှိ ဗုဒ္ဓဝင်ဗိမာန်ကွင်း၌ ကျင်းပခဲ့ရာ တိုင်းဒေသကြီးအစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး နေလင်းစိုး၊ မြို့တော်စည်ပင်သာယာရေးဝန်ကြီး ဦးကျော်ဆန်း၊ ဥပဒေချုပ် ဦးမြင့်အောင်နှင့် ဘုရားကြီးဂေါပက ဒုတိယဥက္ကဋ္ဌ ဦးကျော်ဆွေမိုးတို့က ဖဲကြိုးဖြတ် ဖွင့်လှစ်ပေးခဲ့သည်။
မြတ်စွာဘုရားအမှူးပြုသော သံဃာတော်အရှင်သူမြတ်အပါး ၅၅၀ တို့အား တိုင်းဒေသကြီးအစိုးရအဖွဲ့ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး နေလင်းစိုး၊ မြို့တော်စည်ပင်သာယာရေးရာဝန်ကြီး ဦးကျော်ဆန်းနှင့်ဇနီး၊ ဥပဒေချုပ် ဦးမြင့်အောင်၊ ဘုရားကြီးဂေါပက ဒုတိယဥက္ကဋ္ဌ ဦးကျော်ဆွေမိုး၊ တိုင်းဒေသကြီးအစိုးရအဖွဲ့ အတွင်းရေးမှူး ဦးဝေဇင်ထွန်း၊ ခရိုင်/မြို့နယ်စီမံခန့်ခွဲရေးနှင့်အုပ်ချုပ်ရေး ကော်မတီဥက္ကဋ္ဌများ၊ အလှူရှင် ပြည်သူများက ဆွမ်းဆန်စိမ်းများ၊ လှူဖွယ်ပစ္စည်းများ၊ ဝတ္ထုငွေများ လောင်းလှူခဲ့ကြောင်း သိရသည်။
အလင်းသစ်
Myanmar National Post
No comments:
Post a Comment