သဲကုန်း ၊ ဖေဖော်ဝါရီ ၁၆
ပဲခူးတိုင်းဒေသကြီး၊ နတ်တလင်းခရိုင်၊ သဲကုန်းမြို့နယ်အတွင်းရှိ ဒေသခံတောင်သူများအနေဖြင့် မိရိုးဖလာစိုက်ပျိုးရေးလုပ်ငန်းများဖြစ် လယ်ယာစိုက်ပျိုးရေးနှင့် ဥယျာဥ်ခြံမြေများ၊ မြေလွတ်မြေရိုင်းများတွင် စားပင်သီးပင်များ၊ မီးဖိုချောင်သုံးဟင်းသီးဟင်းရွက်များကိုအဓိထား စိုက်ပျိုးရောင်းချလျက်ရှိရာ ဘိုကိတ်ပဲ တစ်နိုင်တစ်ပိုင်စိုက်ပျိုးရောင်းချခြင်းဖြင့် မိသားစုအပိုဝင်ငွေရရှိပြီး အဆင်ပြေလျက်ရှိသည်။
ဒေသခံတောင်သူများအနေဖြင့် ဘိုကိတ်ပဲကို စိုက်ကျင်းစနစ်ဖြင့် အောက်တိုဘာလတွင် စတင်စိုက်ပျိုးကြပြီး ဖေဖော်ဝါရီလတွင် ခူးဆွတ်ရောင်းချကြသည်။ ဘိုကိတ်ပဲသည် စိုစွတ်သောရာသီဥတု (နုန်းမြေ၊ သဲနုန်းမြေ) များတွင် စိုက်ပျိုးပါက ပိုမိုဖြစ်ထွန်းနိုင်ပြီး၊ နွေရာသီ၌ ရေသွင်းစိုက်ပျိုးနိုင်သည်။ အပင်ရှင်သန်ကြီးထွားစေရန်အတွက် ကြားပေါင်းလိုက်ခြင်း၊ သဘာဝမြေသြဇာများနှင့် ပိုးမွှားရောဂါကာကွယ်ရန်အတွက် ပိုးသတ်ဆေးများကို အထိုက်အလျောက်သုံးစွဲပေးရပြီး ရင့်မှည့်၍ ခူးဆွတ်ရရှိသော ဘိုကိတ်ပဲများကို မိမိတို့ကျေးရွာရှိ စားသုံးသူပြည်သူများ၊ စျေးဆိုင်များသို့ လက်လီ/ လက်ကားရောင်းချခြင်းဖြင့် မိသားစု အပိုဝင်ငွေရရှိပြီး အဆင်ပြေလျက်ရှိကြောင်း ဘိုကိတ်ပဲ စိုက်ပျိုးရောင်းချသူတောင်သူတစ်ဦးထံမှသိရှိရသည်။
ဘိုကိတ်ပဲသည် ပရိုတင်း၊ အမျှင်ဓာတ်နှင့် သံဓာတ်တို့ ပါဝင်၍ အာဟာရဓာတ်ကြွယ်ဝပြီး ကျန်းမာရေးနှင့် ညီညွတ်မျှတသော အစားအစာဖြစ်သည့်အတွက် ပြုတ်စားခြင်း၊ ဟင်းချက်စားခြင်း၊ ကောက်ညှင်းပေါင်းနှင့် မြန်မာ့ရိုးရာသရေစာမုန့်များတွင်ထည့်သွင်း၍ စားသုံးနိုင်သည့် သီးနှံတစ်မျိုးဖြစ်၍ စိုက်ပျိုးသင့်ကြောင်း သိရှိရသည်။
ကိုကျော် (သဲကုန်း)
https://t.me/MyanmarNationalPost
No comments:
Post a Comment