မိုင်းရယ်မြို့နယ်တွင် လိုင်စင်မဲ့မော်‌တော်ယာဉ်များ အသုံးပြုခြင်းမရှိစေ‌ရေးနှင့် စက်သုံးဆီအရောင်းဆိုင်များတွင် စက်သုံးဆီဈေးနှုန်းသတ်မှတ်နှုန်းထားအတိုင်း ရောင်းချမှု ရှိ၊ မရှိ တာဝန်ရှိသူများစစ်ဆေး

မိုင်းရယ်   ၊ မတ် ၃၁

ရှမ်းပြည်နယ်(မြောက်ပိုင်း)၊ မိုင်းရယ်မြို့နယ် ရဲတပ်ဖွဲ့မှူး ရဲမှူး မျိုးသန့်ဦး ဆောင်၍ ဌာနဆိုင်ရာများပါဝင်သည့် ပူး‌ပေါင်းအဖွဲ့သည် မြို့နယ်အတွင်း လိုင်စင်မဲ့မော်‌တော်ယာဉ်များ အသုံးပြုခြင်းမရှိ စေရေးနှင့် စက်သုံးအရောင်းဆိုင်များတွင် စက်သုံးဆီဈေးနှုန်း သတ်မှတ်နှုန်းထားအတိုင်း ရောင်းချမှု ရှိ၊ မရှိတို့ကို ယနေ့နံနက် ၁၁ နာရီက မြို့အဝင်ဂိတ်နှင့် စက်သုံးဆီဆိုင်များတွင် စစ်ဆေးခဲ့သည်။

အဆိုပါ ပူး‌‌ပေါင်းအဖွဲ့သည် မြို့အဝင်ဂိတ်တွင် မော်တော်ယာဉ်များနှင့် ကုန်တင်ယာဉ်များကို ရပ်တန့်စေ၍ ယာဉ်မောင်းလိုင်စင်များစစ်ဆေးခြင်းများနှင့် ယာဉ်စည်းကမ်း၊ လမ်းစည်းကမ်းဆိုင်ရာများကို အသိပညာပေးဆောင်ရွက်သည်။

ဆက်လက်၍ စက်သုံးဆီအရောင်းဆိုင်များတွင် စက်သုံးဆီများ သတ်မှတ်နှုန်းထားအတိုင်း ရောင်းချခြင်းရှိ၊ မရှိ၊ စနစ်တကျရောင်းချမှုရှိစေရေးနှင့် အရည်အသွေးမှန်ကန်စေရေး၊ လိုင်စင်မဲ့မော်‌တော်ယာဉ်များအား စက်သုံးဆီရောင်းချခြင်းမရှိစေရေးတို့ကို ကြီးကြပ်ဆောင်ရွက်ခဲ့ကြကြောင်း သိရသည်။

မိုင်းရယ်

https://t.me/MyanmarNationalPost