ပန်းတောင်း ၊ မတ် ၄
ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်ရှိ ရှေးဟောင်းသမိုင်းဝင် ငါးမျက်နှာစေတီတော်မြတ်ကြီးအား ပန်းတောင်းတပ်နယ်ရှိ ကာကွယ်ရေးပစ္စည်းထုန်လုပ်မှုတပ်ဖွဲ့ မိသားစုများနှင့် မြို့နယ်သူ၊ မြို့နယ်သားများမှ နေရောင်ခြည်စွမ်းအင်ဆိုလာမီးတပ်ဆင်လှူဒါန်းမှုဖွင့်ပွဲအခမ်းအနားကို မတ်လ ၂ ရက်နေ့ညနေ ၅ နာရီအချိန်က စေတီတော်မြတ်ကြီး၏ ရင်ပြင်တော်တွင် ကျင်းပပြုလုပ်ခဲ့သည်။အခမ်းအနားကို နမောတဿ (၃) ကြိမ်ရွတ်ဆို၍ ဖွင့်လှစ်ခဲ့ပြီး ငါးမျက်နှာစေတီတော်မြတ်ကြီး သြဝါဒစရိယ မြို့နယ်သံဃနာယက ငါးမျက်နှာဘုရားကြီးကျောင်းတိုက် ဆရာတော်ထံမှ ဧည့်ပရိတ်သတ်များက ငါးသီလခံယူဆောက်တည်ခြင်းနှင့် ဆရာတော်ထံ နဝကမ္မအလှူငွေများဆပ်ကပ်လှူဒါန်းခဲ့ကြပြီး ပန်းတောင်းတပ်နယ်မှူးဗိုလ်မှူးချုပ်ဇော်ထွန်းဦးမှ နေရောင်ခြည်စွမ်းအင်ဆိုလာ မီးတပ်ဆင်လှူဒါန်းရသည့်ရည်ရွယ်ချက်အား ရှင်းလင်းတင်ပြခြင်း၊ နေရောင်ခြည်စွမ်းအင်သုံး ဆိုလာမီးတပ်ဆင်လှူဒါန်းခြင်းဆိုင်ရာ စာရွက်စာတမ်းများအား အမှတ် (၃) တပ်မတော်အကြီးစားစက်ရုံ၊ စက်ရုံမှူး ဗိုလ်မှူးချုပ်လှိုင်တင့်မှ ဂေါပကအဖွဲ့များထံသို့ လွှဲပြောင်းပေးအပ်ခဲ့ပြီး ဂေါပကအဖွဲ့မှ ဂုဏ်ပြုမှတ်တမ်းလွှာနှင့် ကျေးဇူးတင်ပြန်လည်ပြောကြားခဲ့သည်။ထို့နောက် ငါးမျက်နှာဘုရားကြီးကျောင်းတိုက် ဆရာတော်မှ နေရောင်ခြည်စွမ်းအင်ဆိုလာမီးအား စက်ခလုပ်နှိပ်ဖွင့်လှစ်ပေးခဲ့ပြီး အလှူရှင်များ အမည်ကမ္ဗည်းအား ဆရာတော်မှ စတင်၍ ကာကွယ်ရေးပစ္စည်းစက်ရုံများမှ စက်ရုံမှူးများနှင့် မြို့နယ်ဌာနဆိုင်ရာအကြီးအကဲများမှအမွှေးနံသာရည်များပက်ဖြန်းခဲ့ကြသည်။၎င်းနောက် ငါးမျက်နှာဘုရားကြီးကျောင်းတိုက် ဆရာတော်မှ လှူဒါန်းမှုအစုစုတို့အတွက် အနုမောဓနာတရားချီးမြှင့်ခြင်းနှင့် အလှူတော်အား ရေစက်သွန်းချအမျှပေးဝေကာ ဗုဒ္ဓသာသနံစိရံဒိဌတု (၃) ကြိမ်ရွတ်ဆို၍ အခမ်းအနားကိုအောင်မြင်စွာပိတ်သိမ်းခဲ့ကြောင်း သိရသည်။
လပြည့်လင်း
https://t.me/MyanmarNationalPost
No comments:
Post a Comment