ရန်ကုန်၊ မတ် ၂၅
ရန်ကုန်မြိုပတ်ရထားကို ဘက်ထရီလျှပ်စစ်စက်ခေါင်းဖြင့် မြိုပတ်ရထား စတင်ပြေးဆွဲသည့် ဖွင့်ပွဲအခမ်းအနားကို ယနေ့ မတ်လ ၂၅ ရက် နံနက် ၇ နာရီမှာ ရန်ကုန်ဘူတာကြီး၊ အမှတ် ၁ စင်္ကြံ၌ ကျင်းပပြုလုပ်ခဲ့ပြီး ပို့ဆောင်ရေးနှင့် ဆက်သွယ်ရေးဝန်ကြီးဌာန ဒုတိယဝန်ကြီး ဦးအောင်မြိုင်က တက်ရောက်ဖွင့်လှစ်ပေးခဲ့သည်။
အခမ်းအနားကို ဒုဝန်ကြီးနှင့် မြန်မာ့မီးရထားတာဝန်ရှိသူများက ဖဲကြိုးဖြတ်ဖွင့်လှစ်ပြီး ရန်ကုန်မြို့ပတ်လမ်းတွင် အသုံးပြုမည့် ဘက်ထရီလျှပ်စစ်စက်ခေါင်းကို အမွှေးနံ့သာရေများဖြင့် ပတ်ဖြန်းပေးကြသည်။
ဆက်လက်၍ ပို့/ဆက် ဒုဝန်ကြီးက မြို့ပတ်ရထား လိုက်ပါစီးနင်းကြသည့် ခရီးသည် မိဘပြည်သူများအား ရင်းရင်းနှီးနှီး လိုက်လံနှုတ်ဆက်ခဲ့သည်။
စတင်ပြေးဆွဲသည့် ဘက်ထရီလျှပ်စစ်စက်ခေါင်းအသုံးပြု မြိုပတ်ရထားတွင် လူစီးတွဲ ၄ တွဲနှင့် ဘရိတ်တွဲ ၁ တွဲ ပါဝင်ပြီး ရန်ကုန်မြို့ပတ်လမ်းပိုင်း၌ ဘက်ထရီလျှပ်စစ်စက်ခေါင်းကို အသုံးပြုသည့်အတွက် ဒီဇယ်စက် ခေါင်းအသုံးပြုမှုနှင့် နှိင်းယှဉ်ပါက တစ်ရက်လျှင် ကျပ် ၆ သိန်းကျော်ခန့် ကုန်ကျစရိတ် သက်သာသွားမည်ဖြစ်ကြောင်း သိရသည်။
#MNP #News
No comments:
Post a Comment