ဘားအံ၊ ဧပြီ ၁၀
တတိယအကြိမ် ကရင်ပြည်နယ်လွှတ်တော် ပထမပုံမှန်အစည်းအဝေး ဆဋ္ဌမနေ့ကို ဧပြီ ၁၀ ရက် နံနက် ၁၀ နာရီက ဘားအံမြို့၊ အမှတ်(၄)ရပ်ကွက်ရှိ ပြည်နယ်လွှတ်တော်ရုံး အစည်းအဝေးခန်းမ၌ ကျင်းပရာ ပြည်နယ်လွှတ်တော် ဥက္ကဋ္ဌဦးစန်းကိုက အစည်းအဝေးသို့ တက်ရောက်ခွင့်ရှိသူ ၂၂ ဦးအနက် ၂၁ ဦးနှင့် ဖိတ်ကြားထားသူများ တက်ရောက်ကြသည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်းကြေညာပြီး အစည်းအဝေးတက်ရောက်မှုအခြေအနေကို လွှတ်တော်၏အတည်ပြုချက်ရယူ၍ အတည်ပြုမှတ်တမ်းတင်သည်။
ထို့နောက် ပြည်နယ်လွှတ်တော်ဥက္ကဋ္ဌ ဦးစန်းကိုက ပြည်နယ်လွှတ်တော်ကိုယ်စားလှယ်စိစစ်ရေးနှင့် အခွင့်အရေး ဆိုင်ရာကော်မတီ၊ ပြည်နယ်ဘဏ္ဍာငွေအရအသုံးဆိုင်ရာကော်မတီ၊ အစိုးရအဖွဲ့၏ အာမခံချက်များ၊ ကတိကဝတ်များနှင့်တာဝန်ခံချက်များဆိုင်ရာ ကော်မတီ၊ ပြည်သူတို့၏ တိုင်ကြားစာနှင့်အသနားခံစာဆိုင်ရာစိစစ်ရေးကော်မတီတို့၏ ကော်မတီဥက္ကဋ္ဌ၊ အတွင်းရေးမှူးနှင့်အဖွဲ့ဝင်များ အစားထိုးတာဝန်ပေးအပ်နိုင်ရေးနှင့်ကော်မတီ ဝင်များ နုတ်ထွက်ခြင်းနှင့်စပ်လျဉ်း၍ ပြည်နယ်လွှတ်တော်၏ အတည်ပြုချက်ကို ရယူသည်။
ယင်းနောက် ပြည်နယ်ဝန်ကြီးချုပ်အဖြစ်ရွေးချယ်တင်မြှောက်ခံရသူ ဦးစောမြင့်ဦး ဘားအံမြို့နယ်လွှတ်တော်ကိုယ်စားလှယ်အမှတ်(၁)က ပြည်နယ်လွှတ်တော်ဥက္ကဋ္ဌရှေ့မှောက်၌ ကတိသစ္စာပြုပြီး ပြည်နယ်အဆင့်အဖွဲ့အစည်းဝင်များက ကတိသစ္စာပြုကြကာ ပြည်နယ်ဝန်ကြီးချုပ်ဦးစောမြင့်ဦးက ပြည်နယ်လွှတ်တော်တွင် မိန့်ခွန်းပြောကြား၍ အဆိုပါမိန့်ခွန်းကို ပြည်နယ်လွှတ်တော်တွင်မှတ်တမ်းတင်ကြောင်း ပြည်နယ်လွှတ်တော်ဥက္ကဋ္ဌက ကြေညာသည်။
ထို့နောက် ပြည်နယ်လွှတ်တော်ဥက္ကဋ္ဌက ကရင်ပြည်နယ်လွှတ်တော် ပထမပုံမှန်အစည်းအဝေး ဆဋ္ဌမနေ့ ရပ်နားကြောင်းနှင့် ပထမပုံမှန်အစည်းအဝေးပြီးစီးကြောင်း ကြေညာသည်။
စောမျိုးမင်းသိန်း
#News
No comments:
Post a Comment