ဗြိတိန်ဝန်ကြီးချုပ်ကို ရာထူးက ထွက်ပေးဖို့တောင်းဆိုကြပြီ

မေ- ၁၂ ( အင်္ဂါနေ့) 

ဗြိတိန်ဝန်ကြီးချုပ် ကီယာစတာမာကို ရာထူးမှ နုတ်ထွက်ပေးဖို့ လေဘာပါတီမှ လွှတ်တော်အမတ် အနည်းဆုံး ၇၀ က တောင်းဆိုထားကြောင်း စကိုင်းနယူး သတင်းဌာန  က တနင်္လာနေ့တွင် ဖော်ပြခဲ့ပါတယ်။ ပါတီသည် ပြီးခဲ့သည့် သီတင်းပတ်အတွင်းက ဒေသန္တရ ရွေးကောက်ပွဲများတွင် အကြီးမားဆုံး အရှုံးသမားအဖြစ် ထွက်ပေါ်လာပြီးနောက် နိုင်ငံတစ်ဝှမ်း ကောင်စီနေရာ ၁၃၀၀ ကျော်ကို စွန့်လွှတ်လိုက်ရပါတယ်။ 

စတာမာ ရာထူးကဆင်းပေးဖို့ ဒါဇင်နှင့်ချီတဲ့ လွှတ်တော်အမတ်များက တောင်းဆိုနေသလို ၎င်းရဲ့အစိုးရအငယ်တန်းအဖွဲ့ဝင် သုံးဦးကလည်း ရာထူးများမှ နုတ်ထွက်ခဲ့ကြောင်း သိရပါတယ်။ 

လေဘာပါတီရဲ့ စည်းမျဉ်းမှာတော့ အောက်လွှတ်တော်ရှိ ပါတီရဲ့လွှတ်တော်အမတ် ငါးပုံတစ်ပုံက လက်မခံရင် ပါတီရဲ့ ခေါင်ဆောင်အဖြစ်နဲ့ အစိုးရအကြီးအကဲအဖြစ်မှ ဆင်းပေးရမယ်ဆိုတာ ပါရှိပါတယ်။ လက်ရှိ အနေအထားအရ အောက်လွှတ်တော်က လောဘာပါတီအမတ် အနည်းဆုံး ၈၁ ဦး ထောက်ခံမဲ လိုအပ်ပါတယ်။ နိုင်ငံခြားရေး ၀န်ကြီးဟောင်းနှင့် လေဘာပါလီမန်အမတ်ဟောင်း ကက်သရင်း ဝက်စ်က လုပ်ငန်းစဉ်ကို စတင်ရန်နှင့် စက်တင်ဘာလတွင် ခေါင်းဆောင်အသစ် ရွေးချယ်ရန် ထောက်ခံကြောင်း ကြေငြာခဲ့ပါတယ်။ 

“ပြီးခဲ့တဲ့ ကြာသပတေးနေ့ ရလဒ်တွေက ၀န်ကြီးချုပ်ဟာ မျှော်လင့်ချက်တွေကို လှုံ့ဆော်ဖို့ ပျက်ကွက်ခဲ့တာကို ပြသနေပါတယ်”လို့ သူမက အိတ်စ်ဆိုရှယ်မီဒီယာအကောင့်မှာ ရေးတင်ခဲ့ပါတယ်။ “သူ့ ကို ရာထူးက ဖယ်ရှားလိုက်မှ ပါတီနဲ့ နိုင်ငံအတွက် အကောင်းဆုံး စနစ်ကျတဲ့ အကူးအပြောင်းဖြစ်သွားမှာပါ” လို့ပြောပါတယ်။ 

တနင်္လာနေ့အစောပိုင်းက မိန့်ခွန်းတစ်ခုတွင် စတာမာက လေဘာပါတီ ကြုံတွေ့ခဲ့ရတဲ့ ရှုံးနိမ့်မှုအတိုင်းအတာကို ဝန်ခံခဲ့ပေမဲ့ ဝန်ကြီးချုပ်နေရာကို ဆက်နေဦးမယ်လို့ ပြောပါတယ်။ အီးယူ နဲ့  ဗြိတိန် ဆက်ဆံရေးကို ပြန်လည်တည်ဆောက်ရန်အတွက်နဲ့ ဗြိတိန်ဘက်က “တရားမျှတမှု” ပိုမိုရစေမယ်လို့ ကတိပြုခဲ့ပါတယ်။ 

ဗြိတိန်နိုင်ငံသား တစ်ဝက်လောက်က စတာမာ ကို ရာထူးက ဆင်းစေချင်ပြီး ၂၉% ကပဲ သူ့ကို ရာထူးမှာ ဆက်နေပေးစေချင်တယ်လို့ တနင်္လာနေ့က ထုတ်ပြန်တဲ့ YouGov သုတေသန စစ်တမ်းတစ်ခုအရသိရပါတယ်။ အဲ့ဒိစစ်တမ်းက ယူကေရှိ  အရွယ်ရောက်ပြီးသူ ၅၀၀၀ ကို စစ်တမ်းကောက်ယူခဲ့တာပဲ ဖြစ်ပါတယ်။ 

ယူရိုစကပ်တစ် ရွှေ့ပြောင်းနေထိုင်သူ ဆန့်ကျင်ရေး ပြုပြင်ပြောင်းလဲမှုယူကေ က ဒေသဆိုင်ရာ ရွေးကောက်ပွဲများတွင် အကြီးမားဆုံး အနိုင်ရသူအဖြစ် ပေါ်ထွက်ခဲ့ပြီး နိုင်ငံတစ်ဝှမ်း ဒေသဆိုင်ရာ ကောင်စီတွင် နေရာ ၁၂၀၀ ကျော် နေရာယူထားပါတယ်။  “သစ္စာဖောက်မဲဆန္ဒရှင်တွေဟာ လေဘာပါတီကို ကောင်းကောင်းစွန့်လိုက်ပြီ” လို့ ပါတီခေါင်းဆောင် နီဂျယ် ဖာရာဂီ က တနင်္လာနေ့တွင် အိတ်စ်ဆိုရှယ်မီဒီယာမှာ ရေးတင်ခဲ့ပါတယ်။ 

REF: RT

#MNP #News