ချောက် ၊ မေ ၅
မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်၌ မြို့နယ်အဆင့် မြေပြင်ကွင်းဆင်းကြီးကြပ်မှုကော်မတီမှ ရပ်ကွက်(သို့မဟုတ်) ကျေးရွာအုပ်စုအုပ်ချုပ်ရေးမှူးအသစ် ရွေးချယ်ခန့်ထားနိုင်စေရေးအတွက် ရပ်ကွက်များတွင် ကြီးကြပ်ရေးအဖွဲ့(၅)ဦး ရွေးချယ်ခြင်းအား အမှတ်(၂)ရပ်ကွက် အလယ်ဓမ္မာရုံ၌ ယနေ့နံနက်(၉)နာရီအချိန် ဆောင်ရွက်သည်။
ထို့နောက် အမှတ်(၂)ရပ်ကွက်ကြီးကြပ်ရေးအဖွဲ့(၅)ဦး ရွေးချယ်ဆောင်ရွက်ခြင်းအား ကြီးကြပ်ရွေးချယ်ပေးရန် မြို့နယ်အဆင့် မြေပြင်ကွင်းဆင်းကြီးကြပ်မှုကော်မတီဖြစ်သော ချောက်မြို့နယ် အမှတ်(၂)ရပ်ကွက်အတွက် မြို့နယ်မီးသတ်ဦးစီးဌာနမှ ဦးစီးအရာရှိ ဦးသိန်းဇော်ဝင်း၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်ဝင်းအိမွန်တို့က ရပ်ကွက်(သို့မဟုတ်)ကျေးရွာအုပ်စုအုပ်ချူပ်ရေးမှူးအသစ် ရွေးချယ်ခန့်ထားနိုင်စေရေးအတွက် လုပ်ငန်းစဉ်အဆင့်ဆင့် သိရှိရန်အချက်များကို ရှင်းလင်းပြောကြားပြီးနောက် အမှတ်(၂)ရပ်ကွက်မှကြီးကြပ်ရေးအဖွဲ့(၅)ဦး ရွေးချယ်မှုအား ကြီးကြပ်ရွေးချယ်၍ မြို့နယ်၊ရပ်ကွက်အဆင့်ကြီးကြပ်ရေးအဖွဲ့များအနေဖြင့် ဆယ်အိမ်စုမှူး၊ ရာအိမ်စုမှူးရွေးချယ်ခြင်း၊ အုပ်ချုပ်ရေးမှူးရွေးချယ်ခြင်းကိစ္စရပ်များကို လုပ်ထုံးလုပ်နည်းနှင့်အညီ အကောင်အထည်ဖော်ဆောင်ရွက်သွားမည်ဖြစ်ကြောင်း သိရသည်။
ကျော်မိုး
https://t.me/MyanmarNationalPost
No comments:
Post a Comment