သထုံ၊ မေ ၁၃
မွန်ပြည်နယ်၊ သထုံမြို့နယ်တွင် နိုင်ငံတော်အစိုးရ၏ ရက်(၁၀၀)စီမံကိန်းအရ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ စီစဉ်ဖွင့်လှစ်သည့် အသက်မွေးဝမ်းကျောင်းအထောက်အကူပြု သဘာဝမြေဩဇာထုတ်လုပ်နည်းသင်တန်းဖွင့်ပွဲ ယနေ့၊ နံနက်က ကတိုက်ကလေးကျေးရွာ အုပ်ချုပ်ရေးမှူးရုံးခန်းမ၌ကျင်းပသည်။
အခမ်းအနားတွင် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးဇော်မိုးစိုးက သင်တန်းဖွင့် အမှာစကားပြောကြားပြီး မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှူး ဦးကျော်ကျော်လတ်က သင်တန်းဖွင့်လှစ်ရခြင်းနှင့်ပတ်သက်၍ ရှင်းလင်းပြောကြားသည်။
ထို့နောက် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ၊ မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှူးနှင့် တာဝန်ရှိသူတို့က သင်တန်းသုံး ကုန်ကြမ်းပစ္စည်းများ ပေးအပ်ကြပြီး တက်ရောက်လာသည့် ဌာနဆိုင်ရာများက မိမိတို့ဌာနအလိုက် ပြည်သူ့ဝန်ဆောင်မှုလုပ်ငန်းတို့ကို အသိပညာပေးရှင်းလင်းကြသည်။ အဆိုပါသင်တန်းတွင် စိုက်ပျိုးရေးဦးစီးဌာနမှ ကျွမ်းကျင်ပညာရှင်များက သဘာဝမြေဩဇာများကို လွယ်ကူစွာထုတ်လုပ်နိုင်မည့် နည်းပညာတို့ကို မေ ၁၃ ရက်မှ ၁၅ ရက်အထိ စာတွေ့၊ လက်တွေ့သင်ကြးပို့ချမည်ဖြစ်ပြီး တောင်သူ (၂၀) တက်ရောက်ကြကြောင်း သိရသည်။
#MNP #News
No comments:
Post a Comment