မချမ်းဘော ၊ မေ ၉
ကချင်ပြည်နယ် ပူတာအိုခရိုင် မချမ်းဘောမြို့နယ်တွင် ခြင်၊ ယင်အန္တရာယ်များကင်းရှင်းစေရေးနှင့် သန့်ရှင်းသာယာလှပစေရေးအတွက် ပြည်နယ်အစိုးရ၏လမ်းညွှန်မှုဖြင့် ဌာနဆိုင်ရာဝန်ထမ်းများ စုပေါင်းသန့်ရှင်းရေးပူးပေါင်းဆောင်ရွက်ခြင်းကို ယနေ့နံနက်၇နာရီက စည်ပင်သာယာစျေးပတ်ဝန်းကျင်နှင့် ပြည်သူ့ဆေးရုံပတ်ဝန်းကျင်တို့၌ စုပေါင်းသန့်ရှင်းရေးဆောင်ရွက်သည်။
မချမ်းဘောမြို့နယ်တွင် ရက်(၁၀၀)စီမံချက်ဖြင့် အပတ်စဉ်စနေနေ့တိုင်းတွင် ဌာနဆိုင်ရာဝန်ထမ်းများနှင့် ပြည်သူများပူးပေါင်း၍ စုပေါင်းသန့်ရှင်းရေးဆောင်ရွက်လျက်ရှိရာ ယခုအပတ်စဉ်တွင် စည်ပင်သာယာစျေးပတ်ဝန်းကျင်နှင့်ပြည်သူ့ဆေးရုံဝန်းအတွင်းရှိ ချုံနွယ်ပိတ်ပေါင်းများ ခုတ်ထွင်ရှင်းလင်းခြင်း၊ ရေစီးရေလာကောင်းမွန်အောင် ရေနှုတ်မြောင်းများရှင်းလင်းခြင်းတို့ကို ဆောင်ရွက်ကြသည်။
ထိုသို့စုပေါင်းသန့်ရှင်းရေးဆောင်ရွက်ရာတွင် ဒုတိယမြို့နယ်အုပ်ချုပ်ရေးမှူးဦးတူးဂျာနှင့် ဌာနဆိုင်ရာဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ ကျန်းမာရေးဝန်ထမ်းများစုစုပေါင်းအင်အား(၉၆)ဦးတို့ပါဝင်ပူးပေါင်းဆောင်ရွက်ခဲ့ကြကြောင်းသိရသည်။
ယောရွှေနီ (မချမ်းဘော)
https://t.me/MyanmarNationalPost
No comments:
Post a Comment