ဟိုင်းကြီးကျွန်း ၊ မေ ၁၄
ဧရာဝတီတိုင်းဒေသကြီး၊ ပုသိမ်ခရိုင်၊ ဟိုင်းကြီးကျွန်းမြို့တွင် စပါးရေတော်မိုးတော်ဧရိယာ၌ သစ်စိမ်းမြေသြဇာထည့်သွင်းနိုင်ရေးအတွက် မျိုးစေ့ပေးအပ်ခြင်းနှင့် ကြဲပက်ခြင်းကို ယမန်နေ့နံနက် (၀၉း၀၀) နာရီအချိန်က ကညင်ချောင်းကျေးရွာအုပ်စု၊ ကညင်ချောင်းကျေးရွာ၌ ဆောင်ရွက်ခဲ့ကြောင်း သိရသည်။
ရှေးဦးစွာ ဟိုင်းကြီးကျွန်းမြို့၊ အထွေထွေအုပ်ချုပ်ရေးဦးစီးဌာနမှ ဒုတိယဦးစီးမှူး ဦးသန့်ဇော်လင်းနှင့်တာဝန်ရှိသူများသည် အခမ်းအနားတက်ရောက်လာသော တောင်သူများအား ရေတော်၊ မိုးတော်ဧကများတွင် သစ်စိမ်းမြေသြဇာ(ပိုက်ဆံလျှော်) မျိုးစေ့ချ ကြဲပက်မြေမြှုပ် စိုက်ပျိုးရေး၊ ပန်းတိုင်အထွက်နှုန်းရရှိရေး၊ တစ်ဧက (၁၀) တင်း ပိုထွက်ရှိရေး၊ တစ်သီးမှသုံးသီး စိုက်ပျိုးရေး၊ လမ်းဘေးဝဲယာရိုးပြတ်ကျန်မှုမရှိရေး၊ အဓိကသီးနှံ (၁၀) မျိုး ပန်းတိုင်အထွက်နှုန်း ရောက်ရှိရေး စိုက်ပျိုးရေး အသိပညာပေးဆွေးနွေး ဟောပြောရှင်းလင်းပြီး တောင်သူများအား သစ်စိမ်းမြေသြဇာ(ပိုက်ဆံလျော်) မျိုးစေ့များပေးအပ်၍ တောင်သူ ဒေါ်ငွေကြည်၏ ကွင်းအမှတ် (၁၈၆၈ က)၊ ဦးပိုင်အမှတ် (၈၅/၁)၊ဧရိယာ (၁.၀၃)ဧကရှိ လယ်မြေပေါ်တွင် သစ်စိမ်းမြေသြဇာ (ပိုက်ဆံလျော်)မျိုးစေ့များ ကြဲပက်စိုက်ပျိုးပေးခဲ့ကြောင်း သိရသည်။
လှိုင်မျိုးအောင်
https://t.me/MyanmarNationalPost
No comments:
Post a Comment