ရန်ကုန်၊ ဇွန် ၂၉
“ရွှေရောင်သမိုင်း” လူမှုကယ်ဆယ်ရေးအသင်း (၁၁)နှစ်မြောက် နှစ်ပတ်လည် အထိမ်းအမှတ် စေတနာ့ဝန်ထမ်း အသင်းဝင်များအား ဂုဏ်ပြုပွဲကို ယမန်နေ့ မွန်းလွဲပိုင်းက ရန်ကုန် တိုင်းဒေသကြီး၊ မရမ်းကုန်းမြို့နယ်၊ အထက်ဗဟိုလမ်းရှိ ပေါ်တော်မူဓမ္မဗိမာန်ခန်းမ၌ ကျင်းပသည်။
ဦးစွာ အသင်း၏ ဆောင်ရွက်ခဲ့မှုမှတ်တမ်း ဗီဒီယိုပြသပြီး ရန်ကုန်တိုင်းဒေသကြီး လွှတ်တော်ဥက္ကဋ္ဌ ဦးဌေးအောင်က ဂုဏ်ပြုအမှာစကား ပြောကြားသည်။
ဆက်လက်၍“ရွှေရောင်သမိုင်း”လူမှုကယ်ဆယ်ရေးအသင်းဥက္ကဋ္ဌ ဦးဇွဲရန်နိုင်က ရှေ့လုပ်ငန်း စဉ်များကို ရှင်းလင်းပြောကြားပြီး သဘင်အစည်းအရုံး(ဗဟို)ဥက္ကဋ္ဌ ဦးဖိုးချစ်က မုဒိတာစကားပြောကြားသည်။
ယင်းနောက် ရန်ကုန်တိုင်းဒေသကြီး လွှတ်တော်ဥက္ကဋ္ဌနှင့် ဧည့်သည်တော်များကို အသင်းဥက္ကဋ္ဌက ဂါရဝပြုလက်ဆောင်ပေးအပ်ပြီး၊ ရန်ကုန်တိုင်းဒေသကြီးလွှတ်တော်ဥက္ကဋ္ဌနှင့် တာဝန်ရှိသူများက အသင်းဝင်စေတနာ့ဝန်ထမ်းများနှင့် အလှူရှင်များအား ဂုဏ်ပြုဆုနှင့် ဂုဏ်ပြုမှတ်တမ်းလွှာများ ပေးအပ်ခဲ့ကြသည်။
“ရွှေရောင်သမိုင်း”လူမှုကယ်ဆယ်ရေးအသင်းသည် အရေးပေါ်လူနာတင်ယာဉ်နှင့် လူမှုကယ်ဆယ်ရေး ဝန်ဆောင်မှုများပေးရန်၊ မတော်တဆမှု၊ မီးလောင်မှုနှင့် သဘာဝဘေးအန္တရာယ်များတွင် အချိန်မီကယ်ဆယ်ကူညီရန်၊ နာရေး၊ ကျန်းမာရေးနှင့် လူမှုအခက်အခဲများ ကြုံတွေ့နေသူများအား ပရဟိတစိတ်ဓာတ်ဖြင့် ကူညီပံ့ပိုးရန်၊ အကျိုးအမြတ်မယူဘဲ လူမှုအကျိုးပြုလုပ်ငန်းများကို ဆောင်ရွက်ရန် ရည်ရွယ်ဖွဲ့စည်ထားခြင်း ဖြစ်ကြောင်း သိရသည်။
အောင်မြင့်
#MNP #News
No comments:
Post a Comment