ပေါက်ခေါင်း၊ ဇွန် ၂၈
ပဲခူးတိုင်းဒေသကြီး၊ ပေါက်ခေါင်းမြို့နယ်တွင် ၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲအောင်စာရင်းများ ထုတ်ပြန်ခြင်းကို ယနေ့နံနက် ၄ နာရီအချိန်မှစတင်၍ မြို့နယ်ပညာရေးမှူးရုံးနှင့် စာသင်ကျောင်းများတွင် ထုတ်ပြန်ပေးခဲ့ကြရာ ကျောင်းသား၊ ကျောင်းသူများနှင့် ကျောင်းသားမိဘများ စိတ်အေးချမ်းသာယာစွာ လာရောက်ကြည့်ရှုခဲ့ကြောင်းသိရသည်။
ပေါက်ခေါင်းမြို့နယ်တွင် တက္ကသိုလ်ဝင်စာမေးပွဲအောင်ချက်ရာခိုင်နှုန်းသည် ၂၀၂၅ ခုနှစ်တွင် ၄၀.၆၀ ရာခိုင်နှုန်းရှိခဲ့ရာ ယခုနှစ်တွင် ၆၃.၆၅ ရာခိုင်နှုန်းရှိသောကြောင့် ယခင်နှစ်ကထပ် အောင်ချက်ရာခိုင်နှုန်း ပိုမိုကောင်းမွန်ကြောင်း မြို့နယ်ပညာရေးမှူးရုံးမှ သိရှိရပြီး ၂၀၂၆ ခုနှစ် တက္ကသိုလ်ဝင်စာမေးပွဲတွင် ပေါက်ခေါင်းမြို့နယ်မှ ဝင်ရောက်ဖြေဆိုသူ ကျောင်းသား၊ ကျောင်းသူ (၆၁၉)ဦးရှိခဲ့ပြီး အောင်မြင်သူ (၃၉၄) ဦးရှိကာ အောင်ချက် ရာခိုင်နှုန်း ၆၃.၆၅ ရာခိုင်နှုန်းရှိကြောင်းနှင့် ပေါက်ခေါင်းမြို့နယ်တွင် ခြောက်ဘာသာ ဂုဏ်ထူးရှင် ၁ ဦး၊ ငါးဘာသာဂုဏ်ထူးရှင် ၁ ဦး၊ လေးဘာသာဂုဏ်ထူးရှင် ၄ ဦး၊ သုံးဘာသာ ဂုဏ်ထူးရှင် ၆ ဦး၊ နှစ်ဘာသာ ဂုဏ်ထူးရှင် ၈ ဦး၊ တစ်ဘာသာ ဂုဏ်ထူးရှင် ၄၆ ဦးရှိပါရှိကြောင်း မြို့နယ်ပညာရေးမှူးရုံးမှ သိရသည်။
ဖုန်းကျော်ဇင်
#MNP #News
No comments:
Post a Comment