ကျိုက်ထို၊ ဇူလိုင် ၂၈
မွန်ပြည်နယ်၊ ကျိူက်ထိုခရိုင်၊ ကျိုက်ထိုမြို့နယ်တွင် ကျောင်းသား/သူများအာဟာရချို့တဲ့မှုမဖြစ်စေရန်နှင့် ငှက်ပျောသီးစားသုံးခြင်းဖြင့်အာဟာရဖြစ်သလိုခန္ဓာကိုယ်ကြီးထွားခြင်းဖြင့်မုန့်ဖိုးအတွက် ငွေကြေးအကုန်အကျသက်သာစေရန် ငှက်ပျောပင်စိုက်ပျိုးပွဲတော်ကို ယနေ့နံနက်ပိုင်းက အမှတ်(၁)အခြေခံ ပညာအထက်တန်းကျောင်း၌ စုပေါင်းစိုက်ပျိုးခဲ့ကြသည်။
စုပေါင်းစိုက်ပျိုးရာတွင် ကျိုက်ထိုခရိုင်စီမံခန့်ခွဲ ရေးနှင့်အုပ်ချုပ်ရေးကော်မတီဥက္ကဋ္ဌ ဦးကံစောလှိုင်နှင့်အဖွဲ့ဝင်များ၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးတင့်လွင်နှင့်အဖွဲ့ဝင်များ၊ မြို့နယ်ပညာရေးမှူး(တာဝန်ခံ)ဦးအောင်မြင့်ထွန်း၊အထက(၁)ကျောင်းအုပ်ဆရာမကြီးဒေါ် သူဇာသန်း နှင့် ခရိုင်/မြို့နယ်အဆင့်ဌာနဆိုင်ရာများ၊ ဆရာ/ဆရာမများ၊ ကျောင်းသားကျောင်းသူများနှင့် ကျောင်းအကျိုးတော်ဆောင်များက ဒေသမျိုး ငှက်ပျောပျိုးပင်ပေါင်း ၂၀၀ အား တပျော်တပါး စုပေါင်းစိုက်ပျိုးခဲ့ကြသည်။
အဆိုပါ ငှက်ပျောပင်စုပေါင်းစိုက်ပျိုးခြင်းကို ကျိုက်ထိုမြို့နယ်အတွင်း စိုက်ပျိုးမြေရှိသည့် အခြေခံပညာကျောင်းများ၌ ဆက်လက်စိုက်ပျိုးသွားမည်ဖြစ်ကြောင်း သိရသည်။
ပြည့်ဖြိုး
#MNP #News
No comments:
Post a Comment