ကျောက်ပန်းတောင်း၊ ဇူလိုင် ၂
မန္တလေးတိုင်းဒေသကြီး၊ ညောင်ဦးခရိုင် ကျောက်ပန်းတောင်းမြို့နယ်၌ ပြည်သူ့စစ်မှုထမ်းအမှတ်စဉ် (၃/၂၀၂၄)တွင် ပြည်သူ့စစ်မှုထမ်း သင်တန်းတက်ရောက်၍ ပြည်သူ့စစ်မှုထမ်း တာဝန်ကျေပွန်စွာ ထမ်းဆောင်ခဲ့ပြီး ပြန်လည် ရောက်ရှိလာသူ သုံးဦးအား ဇူလိုင် ၁ ရက်နေ့ ညနေ ၅ နာရီက မြို့နယ်အထွေထွေအုပ်ချုပ်ရေးဦးစီးဌာနရုံးတွင် ဂုဏ်ပြုကြိုဆိုခဲ့ကြပြီး မိဘအုပ်ထိန်းသူများထံ ပြန်လည်အပ်နှံပေးခဲ့သည်။
ကျောက်ပန်းတောင်းမြို့နယ်၌ ပြည်သူ့စစ်မှုထမ်း အမှတ်စဉ်(၃/၂၀၂၄)တွင် ပြည်သူ့စစ်မှုထမ်းတာဝန် ၂ နှစ် ကျေပွန်စွာ ထမ်းဆောင်ခဲ့ပြီး ပြန်လည်ရောက်ရှိလာသူ သုံးဦးတို့အား မြို့နယ်ပြည်သူ့ စစ်မှုထမ်း ဆင့်ခေါ်ရေးအဖွဲ့ဥက္ကဋ္ဌ၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးသန်းလွင်နှင့်အဖွဲ့ဝင်များ၊ ဌာနဆိုင်ရာအကြီးအကဲများနှင့် ဝန်ထမ်းများ၊ မြန်မာနိုင်ငံရဲတပ်ဖွဲ့နှင့် မီးသတ်တပ်ဖွဲ့ဝင်များ၊ ရပ်မိ ရပ်ဖများ မိဘအုပ်ထိန်းသူများက အောင်သပြေပန်းများ၊ ပန်းကုံးများဖြင့် ဝိုင်းဝန်း ဂုဏ်ပြုကြိုဆိုခဲ့ကြပြီး၊ မြို့နယ်ဥက္ကဋ္ဌက လဘက်ရည်ပွဲနှင့် တည်ခင်းဧည့်ခံ၍ အားပေးစကားများပြောကြားပြီး မိဘအုပ်ထိန်းသူများထံ ပြန်လည်အပ်နှံပေးခဲ့ကြောင်း သိရသည်။
နေအောင်
#MNP #News
No comments:
Post a Comment